قازاقستاندىق اكتريسا, پروديۋسەر, رەجيسسەر, “دارىن” مەملەكەتتٸك جاستار سىيلىعى مەن “تارلان” تەۋەلسٸز سىيلىعىنىڭ لاۋرەاتى نازگٷل قارابالينا جەكە ٶمٸرٸنە قاتىستى كٶپشٸلٸك بٸلە بەرمەيتٸن جايتتاردى بٶلٸستٸ, دەپ حابارلايدى ult.kz.
مۇحتار ەۋەزوۆ اتىنداعى قازاق ۇلتتىق دراما تەاترىنىڭ اكتريساسى ەڭ الدىمەن وتباسىنا قاتىستى ورىنسىز سۇراق قوياتىن ادامداردىڭ ەرەكەتٸنە قىنجىلاتىنىن ايتتى. ونىڭ سٶزٸنشە, ەسٸرەسە “نەگە بٸر-اق بالا سٷيدٸڭٸز?” دەگەن ساۋال جيٸ قويىلادى.
“ماعان “نەگە بٸر بالادان ارتىق تۋمادىڭ?” دەپ سۇرايتىن ادامداردى قالاي اتارىمدى بٸلمەيمٸن. مۇنى ناداندىق پا, ەلدە بٸلٸمسٸزدٸك پە دەۋگە بولادى. قۇدايدىڭ بەرگەنٸنە قارسى كەلە المايمىز عوي. بٸر ۇلىمىز بار, سوعان شٷكٸرشٸلٸك ەتەمٸز. ماعان جاقىن ادامدار ونداي جەكە سۇراق قويمايدى. كەرٸسٸنشە, الىستاۋ تانىستارىم ٶمٸرٸمنٸڭ بەرٸن بٸلگٸسٸ كەلەدٸ”, – دەدٸ اكتريسا.
سۇحبات بارىسىندا نازگٷل قارابالينا العاشقى كٷيەۋٸ ازاماتقا العاش بولىپ ٶزٸ عاشىق بولعانىن دا جاسىرمادى. ونىڭ ايتۋىنشا, ستۋدەنتتٸك شاعىندا ازامات وعان بٸردەن كٶڭٸل اۋدارماعان.
“شىنىن ايتسام, اكادەمييادا وقىپ جٷرگەندە ازامات مەنٸ ونشا ۇناتقان جوق. ال العاش عاشىق بولعان – مەن ەدٸم. ونىڭ نازارىن اۋدارسام, مەنٸ بايقاسا ەكەن دەپ ارماندايتىنمىن”, – دەپ ەسكە الدى ٶنەر يەسٸ.
اكتريسا سول كەزەڭدە سٷيٸكتٸسٸنە ارناپ ارنايى البوم جٷرگٸزگەنٸن دە ايتتى. وندا ول اللادان ەكەۋٸنٸڭ تاعدىرىن قوسۋدى تٸلەپ, بولاشاقتا ازاماتتىڭ اتا-اناسىنا قامقور بولىپ, كٶپبالالى ەۋلەتٸمەن تاتۋ-تەتتٸ ٶمٸر سٷرۋگە نيەت ەتكەنٸن جازعان.
“ول كەزدە ازامات باسقا قىزدى ۇناتاتىن. مەن كٷندەلٸگٸمە: “ۋا, اللا! ەگەر ازامات ماعان نازار اۋدارىپ, بٸز وتباسىن قۇرساق, ونىڭ زەينەتكەر اتا-اناسىنا قامقور بولامىن. توعىز باۋىرىمەن دە جاقسى قارىم-قاتىناستا بولامىن. تەك بٸزدٸ قوسا گٶر”, – دەپ تٸلەيتٸنمٸن”, – دەدٸ ول.
نازگٷل قارابالينانىڭ ايتۋىنشا, كەيٸن ازامات ەلگٸ جازبالاردى كەزدەيسوق وقىپ قويعان. اكتريسا وسى وقيعادان كەيٸن ونىڭ كٶزقاراسى ٶزگەرگەن بولۋى مٷمكٸن ەكەنٸن ايتتى.
“بٸر كٷنٸ ازامات سول جازبالاردى وقىپ قويىپتى. سودان كەيٸن ويلانعان شىعار. مەنٸڭ سەزٸمٸم شىنايى بولدى. ال ول باستاپقىدا ەسەپپەن ٷيلەندٸ. قازٸر, ەرينە, جاقسى كٶرەدٸ”, – دەپ تٷيٸندەدٸ اكتريسا.
