بٷگٸن, 10 قاڭتار – قازاقستانداعى جالپىۇلتتىق ازا تۇتۋ كٷنٸ. وسىناۋ ازالى كٷنگە وراي قر پارلامەنتٸ مەجٸلٸسٸنٸڭ دەپۋتاتى دارحان مىڭباي ٶز پٸكٸرٸن بٸلدٸرٸپ, «قازاقپارات» حاا رەداكتسيياسىنا جولداعان جازباسىن جارييالايمىز.
«ەلٸمٸزدٸڭ بٸرقاتار ٶڭٸرٸندە بولعان قايعىلى وقيعالاردىڭ سالدارىنان ٸشكٸ ٸستەر, ەسكەريلەر سالاسىنداعى ازاماتتارىمىز بەن بەيبٸت تۇرعىنداردىڭ قازاسىنا بايلانىستى 10 قاڭتاردا جالپىۇلتتىق ازا تۇتۋ كٷنٸ جارييالاندى. پرەزيدەنتتٸڭ تيٸستٸ جارلىعى شىقتى. مەملەكەت باسشىسى قاسىم-جومارت توقاەۆتىڭ بۇل شەشٸمٸ – ەلدٸ سابىرلىققا, يماندىلىققا, اۋىزبٸرشٸلٸككە شاقىرۋ شاراسى. ىقىلىم زاماننان سان قيىندىق پەن سىناقتى باستان كەشٸرگەن حالقىمىزدى قاڭتارداعى قارا قۇيىن قاتتى كٷيزەلتتٸ. تٶتەننەن, بٶتەننەن كەلگەندەرگە تابالاۋشى, ەلبۇزارلار قوسىلدى. حالىقتىڭ جيعان-تەرگەنٸ شاشىلدى, ىرىس-نەسٸبە رەسۋە بولدى. قالالارىمىزعا ويران سالىندى, قان تٶگٸلدٸ. وتان ٷشٸن ەربٸر جاننىڭ قازاسى قاسٸرەتتٸ. كەنەتتەن قايعى ارقالاعان وتباسىلار مەن ەۋلەتتەردٸڭ بارشاسىنا قايعىرىپ كٶڭٸل ايتامىز.
ۇلت ۇستازى احمەت بايتۇرسىنۇلى: «اسىقپاڭدار! ارتىمىزدا قازى بار, تەرگەپ تالاي سٷيەكتەرٸڭ قازىلار. قينامايدى اباقتىعا جاپقانى. قيىن ەمەس دارعا اسقانى, اتقانى. ماعان اۋىر وسىلاردىڭ بەرٸنەن. ٶز اۋىلىمنىڭ يتتەرٸ ٷرٸپ, قاپقانى» دەگەندەي سىن ساعاتتا ٸشتەن شىققان جاۋىزداق, الاۋىزدىق پەن ارانداتۋشىلىق ەلگە اۋىر تيدٸ. ەلەم نازارىنا ٸلٸككەن بٷلٸكشٸلٸك ەرەكەت مەملەكەت باسشىسىنان كونستيتۋتسيياعا ساي ەدٸلەتتٸلٸكتٸ, سالقىنقاندىلىقتى, جاۋاپكەرشٸلٸكتٸ تالاپ ەتتٸ. تيٸستٸ باتىل قادامدار جاسالدى, ولار جالعاساتىن بولادى. وسىنداي شيەلەنٸستٸ شاقتا قيىندىققا شىداپ, تٶزگەن ەردٸ, ەر ەڭبەگٸن سەزگەن ەلدٸ تانىدىق. يە, بٸزگە قازٸر سابىر قاجەت. سابىر – سەنٸمنٸڭ ارقاۋى. بٸرلٸك كەرەك, ول – ٷمٸتتٸڭ, جاقسىلىقتىڭ باستاۋى. وسىنداي قايعى-قاسٸرەتتٸ تەرەڭ سەزٸنە وتىرىپ, قوعام جاۋاپكەرشٸلٸگٸن, مەيٸرٸمٸ مەن اۋىزبٸرشٸلٸگٸن ايرىقشا ايتامىز. ٶيتكەنٸ, بٸزدٸڭ ەلٸمٸزدٸڭ ەڭ قىمبات قازىناسى – ادام, ونىڭ ٶمٸرٸ, قۇقىعى مەن بوستاندىعى. بٸز قۋانىشتا دا, قايعىدا دا بٸرگەمٸز. جاراتقان يە مارقۇمدارعا – يمان, تٸرٸلەرگە بەرەكە بەرسٸن! جاماندىقتى اماندىق قانا جەڭەدٸ. اشىق اسپانىمىز ەندٸ ەشقاشان قارا بۇلت تورلاماسىن».
