ايماق ەكٸمدەرٸ كونگو-قىرىم گەمورراگييالىق قىزباسى اۋرۋىنىڭ الدىن الۋ شارالارىن قولعا الۋى كەرەك. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
«قازاقستان اۋماعىندا تابيعي وبا, تۋليارەمييا, گەمورراگييالىق قىزبا (گەمورراگييالىق قىزبا, كونگو-قىرىم گەمورراگييالىق قىزباسى), سٸبٸر جاراسى جەنە باسقا زوونوزدى ينفەكتسييالار بار. الداعى ەپيدەمييالىق ماۋسىمعا بايلانىستى ايماق ەكٸمدەرٸ تۇرعىندار اراسىندا ەرەكشە قاۋٸپتٸ ينفەكتسييالاردىڭ الدىن الۋ شارالارىن ۋاقتىلى جٷزەگە اسىرۋ قاجەت», - دەدٸ الەكسەي تسوي.
ونىڭ ايتۋىنشا, ەلٸمٸزدٸڭ وڭتٷستٸك ايماقتارى كونگو-قىرىم گەمورراگييالىق قىزباسىنىڭ جيٸلٸگٸ بويىنشا ەندەميكالىق بولىپ قالا بەرەدٸ.
«كونگو-قىرىم گەمورراگييالىق قىزباسىنىڭ ەپيدەمييالىق ماۋسىمى باستالۋى قارساڭىندا ايماق ەكٸمدەرٸ بۇل اۋرۋدىڭ الدىن-الۋ شاراسىن قولعا الۋى قاجەت. اتاپ ايتقاندا: بۋفەرلٸك ايماقتاردى قۇرۋ, مال مەن مال عيماراتتارىن, ەلدٸ مەكەندەردەگٸ جەكە شارۋا قوجالىقتارىن, قورشاۋ مەن ونىڭ اينالاسىن كەنەگە قارسى ٶڭدەۋ كەرەك.
ٶتكەن جىلدارداعى تەجٸريبەنٸ ەسكەرە وتىرىپ, العاشقى مەديتسينالىق-سانيتارلىق كٶمەك, شۇعىل مەديتسينالىق كٶمەك جەنە باسقا دا تار ماماندىقتارداعى مەديتسينالىق قىزمەتكەرلەردٸڭ قىراعىلىعى مەن دايىندىق دەڭگەيٸن ارتتىرۋ بويىنشا شارالاردى كونگو-قىرىم گەمورراگييالىق قىزباسىن ەرتە انىقتاۋ جەنە ديففەرەنتسيالدى دياگنوستيكالاۋ تۇرعىسىنان جٷزەگە اسىرۋ قاجەت», - دەيدٸ ول.
