جوعارى وقۋ ورىندارى عىلىم سالاسىنداعى مٸندەتتەرٸن دۇرىس اتقارۋى كەرەك. بٸلٸم جەنە عىلىم مينيسترٸ اسحات ايماعامبەتوۆ ۆەدومستۆونىڭ بٷگٸنگٸ جالپى وتىرىسىندا وسىلاي دەدٸ, دەپ حابارلايدى "ۇلت اقپارات".
«مەملەكەت باسشىسى عىلىم سالاسىن دامىتۋ مەسەلەسٸن ەرەكشە نازاردا ۇستاپ وتىرعانىن جاقسى بٸلەسٸزدەر. عىلىمعا قارجىلاندىرۋ جاعىنان دا, باسقا مەسەلەلەر بويىنشا دا ٷلكەن كٶمەك كٶرسەتٸپ وتىر. سوندىقتان بٸز وسى سالانى دۇرىس يگەرٸپ, جولعا قويىپ, جۇمىستى اشىقتىق قاعيداسىمەن ۇيىمداستىرۋىمىز كەرەك. جوعارى وقۋ ورىندارى دا وسى جۇمىسقا بەلسەندٸ تٷردە ارالاسۋعا تيٸس. رەكتورلارعا دا جينالىس كەزٸندە ايتتىم: ەر فاكۋلتەتتە دەكانداردىڭ عىلىم جٶنٸندەگٸ ورىنباسارلارى بار. كافەدرا دا عىلىم بويىنشا ەسەبٸن تاپسىرادى. عىلىم جٶنٸندەگٸ پرورەكتورلار دا بار. بٸراق وسىنىڭ بەرٸ بولعاننان كەيٸن نەتيجە دە بولۋى كەرەك قوي. كوممەرتسياليزاتسييا كەڭسەلەرٸن اشىپ قويدىق. بٸراق سونىڭ مازمۇنى قايدا? وسى مەسەلەلەرگە ەرەكشە نازار اۋدارىپ, جوعارى وقۋ ورىندارى وسى جۇمىستاردى بەلسەندٸ تٷردە ورىنداۋعا تيٸس», - دەدٸ اسحات ايماعامبەتوۆ بٸلٸم جەنە عىلىم مينيسترلٸگٸنٸڭ جالپى وتىرىسىندا.
مينيستردٸڭ ايتۋىنشا, عىلىم سالاسىن تسيفرلاندىرۋ سالاسىندا دا مەسەلەلەر جوق ەمەس.
«بيۋروكراتييالىق كەدەرگٸلەردٸ جويۋ كەرەك. باسقارۋ جٷيەسٸندە دە ەرتٷرلٸ بيۋروكراتييالىق كەدەرگٸ كٶپ. ونى ٶزدەرٸڭٸز بٸلەسٸزدەر. بٸز بٸرازىن جويىپ, الىپ تاستادىق. بٸراق دەسە دە ەلٸ بار. بٸزگە كەرەگٸ: عىلىممەن اينالىساتىن ەرٸپتەستەرٸمٸزگە تەك ٶز جۇمىسىمەن اينالىسۋعا جاعداي جاساۋ كەرەك. ەرتٷرلٸ قاعازباستىلىق, ەسەپ بەرۋ دەگەندەردٸڭ ٶزٸ ەرينە, ٷلكەن كەدەرگٸ. ەلبەتتە, ولاردىڭ بەرٸن بيىل شەشكەنٸمٸز جٶن», - دەدٸ ول.
مينيستر سونىمەن قاتار عىلىم كوميتەتٸنە كادر دايارلاۋ, زەرتحانالاردى دامىتۋ مەسەلەلەرٸنە باسا نازار اۋدارۋى كەرەكتٸگٸن جەتكٸزدٸ.
