فوتو: Gov.kz
بٷگٸن مەجٸلٸستە «تسيفرلىق كودەكس» جوباسى تالقىلانىپ, دەپۋتات اسحات ايماعامبەتوۆ ٷش ٶزەكتٸ مەسەلەنٸ كٶتەردٸ, دەپ حابارلايدى Ult.kz.
دەپۋتات ەڭ الدىمەن تسيفرلىق تەڭسٸزدٸك پەن وفلاين قولجەتٸمدٸلٸك پروبلەماسىنا توقتالدى. ونىڭ سٶزٸنشە, ينتەرنەتتٸڭ جوقتىعى نەمەسە تسيفرلىق قۇرالداردىڭ بولماۋى تەك اۋىل تۇرعىندارىنا عانا ەمەس, ەگدە جاستاعى جەنە مٷمكٸندٸگٸ شەكتەۋلٸ ازاماتتارعا دا قيىندىق تۋعىزۋدا.
«مەملەكەتتٸك قىزمەتتەردٸڭ كٶبٸ ونلاين كٶرسەتٸلەدٸ, بٸراق بارلىعىنىڭ سمارتفون نە كومپيۋتەر پايدالانۋعا مٷمكٸندٸگٸ جوق. سوندىقتان ەلەۋمەتتٸك وسال توپتارعا وفلاين فورماتتا قىزمەت الۋعا جاعداي جاسالۋى كەرەك», — دەدٸ ايماعامبەتوۆ.
ەكٸنشٸ كٶتەرٸلگەن تاقىرىپ — بالالاردىڭ ەلەۋمەتتٸك جەلٸلەرگە ەركٸن تٸركەلۋٸ. دەپۋتاتتىڭ ايتۋىنشا, قازٸر 5-6 جاسار بالالاردىڭ TikTok پەن Instagram-عا اتا-اناسىنىڭ رۇقساتىنسىز تٸركەلە الۋى الاڭداتارلىق.
«كەي ەلدەردە تٸركەلۋ جاسى 15-16 جاس دەپ بەلگٸلەنگەن. ال اقش پەن ۇلىبريتانييادا اتا-انانىڭ ارنايى رۇقساتى قاجەت. بٸزدە بۇل باعىتتا قانداي شارالار قاراستىرىلىپ جاتىر?» — دەدٸ دەپۋتات.
ٷشٸنشٸ مەسەلە — مەكتەپتەردە سمارتفون قولدانۋعا تىيىم سالۋ. ايماعامبەتوۆتىڭ ايتۋىنشا, نازارباەۆ زيياتكەرلٸك مەكتەپتەرٸ مەن كەيبٸر يننوۆاتسييالىق بٸلٸم وردالارىندا بۇل تەجٸريبە جاقسى نەتيجە بەرگەن.
«تەلەفونعا تىيىم وقۋ ٷلگەرٸمٸن جاقسارتىپ, وقۋشىلار اراسىنداعى قارىم-قاتىناستى نىعايتتى. مۇنى تسيفرلىق كودەكس اياسىندا قاراستىرۋعا بولا ما?» — دەپ سۇرادى ول.
وسى سۇراقتارعا جاساندى ينتەللەكت جەنە تسيفرلىق دامۋ ۆيتسە-مينيسترٸ دميتريي مۋن جاۋاپ بەردٸ. ونىڭ ايتۋىنشا, جاڭا كودەكس اياسىندا العاش رەت «مەملەكەتتٸك تسيفرلىق پلاتفورما» ۇعىمى ەنگٸزٸلمەك. بۇل مەملەكەتتٸك ورگاندار ٷشٸن بٸرىڭعاي ستاندارت پەن ارحيتەكتۋرا قالىپتاستىرۋعا مٷمكٸندٸك بەرەدٸ.
مۋننىڭ سٶزٸنشە, قۇجاتتا ەلەۋمەتتٸك وسال توپتار مەن مٷگەدەكتٸگٸ بار ادامدارعا تەڭ قولجەتٸمدٸلٸك قاعيداتتارى قاراستىرىلعان. ال بالالاردىڭ ەلەۋمەتتٸك جەلٸلەردە تٸركەلۋٸنە قاتىستى مينيسترلٸك بالالاردىڭ دامۋى مەن ونلاين قاۋٸپسٸزدٸگٸ اراسىنداعى تەپە-تەڭدٸكتٸ ساقتاۋ قاجەتتٸگٸن اتاپ ٶتتٸ.
سمارتفونعا تىيىم سالۋ مەسەلەسٸنە كەلسەك, ۆيتسە-مينيستر مۇنداي نورما كودەكستە قاراستىرىلماعانىن ايتتى.
«بٸزدٸڭ ۇستانىم — جاستاردى تەحنولوگييانى شەكتەمەۋ, كەرٸسٸنشە ونى تيٸمدٸ جەنە قاۋٸپسٸز پايدالانۋعا ٷيرەتۋ», — دەدٸ ول.
