قر بٸلٸم جەنە عىلىم مينيسترٸ اسحات ايماعامبەتوۆ «پەداگوگتار مەرتەبەسٸ تۋرالى» زاڭ قاشان قابىلداناتىنىن ايتتى, دەپ حابارلايدى قازاقپارات.
«قازٸر ەڭ باستىسى – زاڭ جوباسىن قابىلداۋ. قازٸر بٸز تەك زاڭ جوباسى تۋرالى سٶز قوزعاپ وتىرمىز. ياعني, ول – ەلٸ زاڭ ەمەس. مەملەكەت باسشىسىنىڭ تاپسىرماسىنا سەيكەس, اتالعان زاڭ جوباسى مەن زاڭدى جىلدىڭ سوڭىنا دەيٸن قابىلداۋىمىز كەرەك», - دەدٸ مينيستر ٷكٸمەت وتىرىسىنان كەيٸن تٸلشٸلەردٸڭ سۇراعىنا جاۋاپ بەرە وتىرىپ.
سونىمەن قاتار, اسحات ايماعامبەتوۆ مۇعالٸمدەردٸڭ ايلىعى مەن قوسىمشا اقىسىن كٶتەرۋ قاي مەرزٸمگە جوسپارلانىپ وتىرعانىن اتاپ ٶتتٸ.
«بٸزدٸڭ ەسەپتەۋٸمٸزشە, دەپۋتاتتار بٸزدٸ قولداپ, جىلدىڭ سوڭىنا دەيٸن زاڭ جوباسى قابىلدانعان جاعدايدا بٸزدە بعم بۇيرىعى مەن ٷكٸمەت قاۋلىسىنا ساي كەلەتٸن نورماتيۆتٸك-قۇقىقتىق قۇجاتتاردى قابىلداۋعا جەتكٸلٸكتٸ ۋاقىت بولار ەدٸ. كەلەسٸ وقۋ جىلىنان باستاپ بٸلٸكتٸلٸك, دەپتەردٸ تەكسەرۋ, سىنىپ جەتەكشٸلٸگٸ مەن ماگيستر دەرەجەسٸ ٷشٸن قوسىمشا اقى بەرٸلە باستاۋى كەرەك. كەلەسٸ وقۋ جىلىنا دەيٸن تولىق دايىن بولامىز دەپ وتىرمىز. وسىناۋ جوسپارلاردىڭ بەرٸ دە بيۋدجەت قاراجاتىمەن بەكٸتٸلگەن. رەسپۋبليكالىق بيۋدجەتتٸك كوميسسييانىڭ وتىرىسى ٶتتٸ. مەملەكەت باسشىسى تاپسىرما بەرگەننەن كەيٸن تيٸستٸ اقشا قاراستىرىلىپ, باستامالاردىڭ بەرٸ دە قاراجات تۇرعىسىنان قولداۋ تاۋىپ وتىر», - دەدٸ اسحات ايماعامبەتوۆ.
ەسكە سالا كەتسەك, بٷگٸنگٸ ٷكٸمەت وتىرىسىندا اسحات ايماعامبەتوۆ مۇعالٸمدەردٸ ٶزٸنە تەن ەمەس قىزمەتكە تارتقاندارعا 120 اەك-كە دەيٸن ايىپپۇل سالىناتىنىن حابارلاعان بولاتىن.
