قازاقستاندا مەكتەپتەردە بٸلٸم بەرۋ 4 باعىتتا جٷرگٸزٸلەتٸن بولادى. بۇل تۋرالى ورتالىق كوممۋنيكاتسييالار قىزمەتٸندەگٸ بريفينگٸدە قر بٸلٸم جەنە عىلىم مينيسترٸ اسحات ايماعامبەتوۆ ايتتى, دەپ حابارلايدى قازاقپارات.
«قاشىقتان وقىتۋعا كەلەر بولساق, اۋىل مەكتەپتەرٸنە جەنە شالعايداعى شاعىن جيناقتى مەكتەپتەردە وقيتىن بالالارعا قيىن بولادى. سوندىقتان ەڭ باستى نازاردى وسى مەسەلەگە اۋدارىپ, تيٸستٸ جۇمىستى باستاپ كەتتٸك. جۇمىس جالپى قالاي جٷرگٸزٸلەدٸ دەگەن ساۋالعا جاۋاپ بەرەتٸن بولساق, 4 باعىت بويىنشا جۇمىس جٷرگٸزٸپ جاتىرمىز. بٸرٸنشٸ باعىت - تەلەديدار ارقىلى تيٸستٸ ساباقتاردى بەرۋ. قازٸرگٸ ۋاقىتتا جۇمىس جٷرگٸزٸلٸپ, رەسپۋبليكالىق 2 تەلەارنا كەلٸسٸمٸن بەردٸ. ول -»بالاپان« مەن «ەل ارنا« تەلەارناسى. بٸز وسى تەلەارنالار ارقىلى ساباقتارىمىزتى تيٸستٸ كەستە بويىنشا كٷنٸنە 8 ساعات بەرەمٸز», - دەدٸ مينيستر.
ونىڭ اتاپ ٶتۋٸنشە, 4-توقساندى قامتۋ ٷشٸن 3 360 ساباق تٷسٸرۋ كەرەك. قازٸرگٸ ۋاقىتتا وسى ساباقتاردىڭ 300-دەن استامى تٷسٸرٸلٸپ, دايىن بولعان.
«ەرينە, بۇل ٶتە كٷردەلٸ مەسەلە. وسىنداي ٷلكەن ٸندەت بولىپ جاتقاندا ۇستازدارىمىز تەلەارنالارعا كەلٸپ, تيٸستٸ تٷسٸرٸلٸمگە قاتىسۋدا. ۇستازدارىمىز تٷسٸرٸلٸمگە دايىن بولماعان. تەلەجٷرگٸزۋشٸ رەتٸندە ٶزٸن جاڭا رٶلدە سىناپ جاتىر. ساباقتارىن دايىنداپ, ونى 10-15 مينۋتقا تٷسٸنٸكتٸ ەرٸ بالا جالىقپايتىنداي دۇرىس فورماتتا بەرۋ دە ٷلكەن ەمتيحان. تٷسٸرٸلٸمگە قاتىسىپ جاتقان ۇستازدارعا العىس ايتقىم كەلەدٸ», - دەدٸ ول.
مينيستر كەلەسٸ ٷلكەن باعىت - بۇل راديو ەكەندٸگٸن ايتتى.
«بٸز تەلەديدار سيگنالى جەتپەيتٸن ەلدٸ مەكەندەردە قازاق راديوسى بار ەكەندٸگٸن جاقسى بٸلەمٸز. قازاق راديوسىمەن دە كەلٸسٸمگە كەلدٸك, راديودان دا تيٸستٸ كەستەگە سەيكەس ساباق جٷرگٸزٸلەدٸ. ٷشٸنشٸ باعىت - پوشتا ارقىلى. ٶزدەرٸڭٸز دە بٸلەسٸزدەر, بٸزدە 1 200 ەلدٸ مەكەن بار. ولار ٶتە شاعىن ەلدٸ مەكەندەر, ولاردا 3, 4, 5 وقۋشى عانا بار. ولاردى مۇنىڭ الدىندا كٷندەلٸكتٸ كٶلٸكپەن مەكتەپكە الىپ كەلٸپ, الىپ كەتەتٸنبٸز. بٸز بۇل بالالارعا دا بٸلٸم بەرۋمٸز كەرەك. سوندىقتان دا پوشتا ارقىلى دا وسى جۇمىستى جٷرگٸزەمٸز», - دەدٸ ول.
ەلٸمٸزدٸڭ باس مۇعالٸمٸ تٶرتٸنشٸ باعىتتا ينتەرنەت جٷيەسٸ ارقىلى ساباق جٷرگٸزٸلەتٸندٸگٸن ايتتى.
«جالپى, قىسقا ۋاقىتتىڭ ٸشٸندە بٸرنەشە ينتەرنەت پلاتفورمالارىن, تسيفرلىق رەسرۋستاردى دايىنداپ بولدىق. ەڭ باستىسى ۇستازدارىمىز وسى تسيرفلىق پلاتفورمالاردى پايدالانا بٸلۋ مەسەلەسٸنە دە ٷلكەن كٶڭٸل بٶلۋدەمٸز. سوندىقتان ەر مەكتەپتە, كوللەدجدە, جوو-دا, بٸلٸم بٶلٸمدەرٸ, باسقارمالارىندا وسى جۇمىس جٷرگٸزٸلٸپ جاتىر»,- دەدٸ اسحات ايماعامبەتوۆ.
