قر بٸلٸم جەنە عىلىم مينيسترٸ اسحات ايماعامبەتوۆ مەملەكەتتٸك بٸلٸم گرانتىن ۇتىپ العان ستۋدەنتتٸڭ ارنايى بانكتٸك شوتىنا وقۋ اقىسىنا قاجەتتٸ قارجىنى اۋدارۋ نە ٷشٸن قاجەتتٸگٸن تٷسٸندٸردٸ, دەپ حابارلايدى قازاقپارات.
«مەملەكەت باسشىسىنىڭ جوعارى بٸلٸم بەرۋدٸ قارجىلاندىرۋ جٷيەسٸن ٶزگەرتۋ جٶنٸندەگٸ باستاماسىنىڭ ماڭىزدىلىعى تۋرالى ەگجەي-تەگجەيلٸ تٷسٸندٸرٸپ ٶتسەم. بٷگٸنگٸ تاڭدا وتاندىق جوعارى وقۋ ورىندارى گرانت بەرۋ ارقىلى جان باسىنا قارجىلاندىرۋعا كٶشتٸ. بۇل جٷيە قازٸر قالاي جۇمىس ٸستەيدٸ? گرانت الۋ ٷشٸن تالاپكەرلەر ۇلتتىق بٸرىڭعاي تەستٸلەۋگە قاتىسادى. ۇبت تاپسىرعاننان كەيٸن تالاپكەر ٶتٸنٸش بەرەدٸ, ناقتى ماماندىقتى تاڭداپ, گرانتتاردى تاعايىنداۋ كونكۋرسىنا قاتىسادى. مەسەلەن, ەگەر بەلگٸلٸ بٸر ماماندىققا بارلىعى 100 گرانت بٶلٸنسە, كۆوتالاردى ەسەپكە الا وتىرىپ, ەڭ جوعارى بالل جيناعان 100 تالاپكەر سارالانعان تٸزٸم بويىنشا جوو-دا وقۋ ٷشٸن گرانت الادى. بٸلٸم گرانتىن يەلەنگەن ستۋدەنت جوعارى وقۋ ورنىن تاڭدايدى جەنە جوو وسى ستۋدەنتتٸ وقىتۋ ٷشٸن بيۋدجەتتەن قارجىلاندىرۋ الادى», - دەپ جازدى مينيستر Facebook-پاراقشاسىندا.
الايدا, ونىڭ اتاپ ٶتۋٸنشە, ستۋدەنت گرانتتى جەڭٸپ العانىنا قاراماستان, مەملەكەت تاراپىنان تٶلەنەتٸن وقۋ اقىسىنا قاتىستى رەسٸمگە قاتىسپايدى. شىن مەنٸندە, ستۋدەنت جوعارى وقۋ ورنىنداعى وقۋ اقىسىن مەملەكەت ونىڭ مەكتەپ كەزٸندەگٸ جاقسى كٶرسەتكٸشتەرٸ ٷشٸن تٶلەيتٸنٸنە مەن بەرمەي, مۇنى كٶبٸنە كٶپ تەگٸن وقۋ دەپ قابىلدايدى. سەيكەسٸنشە, «تەگٸن» وقۋ كەزٸندە ۋنيۆەرسيتەتكە قانداي دا بٸر تالاپ قويۋ قيىن. ەربٸر ستۋدەنتتٸڭ وقۋى ٷشٸن مەملەكەت جوعارى وقۋ ورنىنا ورتا ەسەپپەن 3,5-4 ميلليون تەڭگە بٶلەدٸ.
«وقۋ اقىسىن تٶلەۋ الگوريتمٸ كەلەسٸدەي: ۋنيۆەرسيتەتتەر ستۋدەنتتەردٸڭ تٸزٸمدەرٸ مەن تٶلەۋ اكتٸلەرٸن بەلگٸلٸ بٸر مەرزٸمدٸلٸكپەن مينيسترلٸككە جٸبەرەدٸ. مينيسترلٸك ستۋدەنتتەردٸڭ ەرقايسىسى ٷشٸن اقشانى جوو-نىڭ شوتىنا تٸكەلەي اۋدارادى. ياعني, ستۋدەنتتٸڭ ٶزٸ بۇل ٷردٸسكە قاتىسپايدى. ەندٸ مەملەكەت باسشىسى قارجىلاندىرۋدىڭ وسى جٷيەسٸن ٶزگەرتۋدٸ تاپسىردى. بۇدان بىلاي قاراجات گرانتتى جەڭٸپ العان ستۋدەنتتٸڭ وقۋ اقىسىن ٶز بەتٸنشە تٶلەۋٸ ٷشٸن ارنايى بانكتٸك شوتىنا (ەسكروۋ-شوت) تٸكەلەي جٸبەرٸلەدٸ دەپ جوسپارلانۋدا. وسىلايشا, ستۋدەنت ونىڭ وقۋى ٷشٸن مەملەكەت بٶلگەن اقشانى كٶرٸپ, قولداۋدى سەزٸنەدٸ. سونىمەن بٸرگە وقۋ اقىسىن تٶلەۋ ٷردٸسٸنە قاتىسادى», - دەدٸ اسحات ايماعامبەتوۆ.
مينيستر قازٸرگٸ تاڭدا ستۋدەنت بۇرىنعىداي تەگٸن قىزمەتتەردٸ الۋشى ەمەس, قىزمەتتەرگە تاپسىرىس بەرۋشٸ بولىپ سانالاتىندىعىن باسا ايتادى. سوعان وراي ول تاپسىرىس بەرۋشٸ رەتٸندە ساپالى بٸلٸم بەرۋدٸ تالاپ ەتۋگە قۇقىلى.
«ەرينە, بۇل ستۋدەنتتٸڭ مەملەكەتتٸك قولداۋ ٸس-شارالارىن قابىلداۋىنا وڭ ەسەر ەتەدٸ جەنە ونىڭ بويىنداعى جاۋاپكەرشٸلٸكتٸ ارتتىرادى. ميلليونداعان قاراجاتتىڭ وقۋعا جۇمسالعانىن كٶرٸپ, ستۋدەنت بٸلٸم الۋعا دا, كٶرسەتٸلەتٸن قىزمەت ساپاسىنا دا جاۋاپكەرشٸلٸكپەن قارايدى. بۇل رەتتە ستۋدەنت بيۋدجەت قاراجاتىن بٸلٸم الىپ جاتقان جوو-عا وقۋ اقىسىن تٶلەۋدەن باسقا, ٶزگە ماقساتتارعا جۇمساي المايدى. بۇدان باسقا, بۇل تەتٸك سىبايلاس جەمقورلىق تەۋەكەلدەرٸن دە جويىپ, بيۋدجەت قاراجاتىنىڭ بارىنشا اشىق جۇمسالۋىن قامتاماسىز ەتەدٸ. اتالعان ٸس-شارا جوعارى بٸلٸم بەرۋ سالاسىنداعى بەسەكەلەستٸكتٸ كٷشەيتەدٸ دەپ كٷتٸلۋدە. مەملەكەت باسشىسىنىڭ وسىنداي ماڭىزدى تاپسىرمالارى بٷكٸل بٸلٸم بەرۋ جٷيەسٸن كەشەندٸ جاقسارتۋعا باعىتتالعانىن اتاپ ٶتكٸم كەلەدٸ. بٸلٸم جەنە عىلىم مينيسترلٸگٸ قويىلعان مٸندەتتەردٸ ورىنداۋ ٷشٸن بارلىق قاجەتتٸ جۇمىستى جٷرگٸزەدٸ», - دەپ تٷيٸندەيدٸ ويىن مينيستر.
