بٸلٸم جەنە عىلىم مينيسترٸ اسحات ايماعامبەتوۆ بٸلٸم جەنە عىلىم سالالارىن تسيفرلاندىرۋ جۇمىسى قالاي اتقارىلىپ جاتقانى تۋرالى مەلٸمەتتەرمەن بٶلٸستٸ, دەپ حابارلايدى قازاقپارات.
«ٶتكەندە مەملەكەت مۇعالٸمدەردٸڭ جالاقىسىن ٶسٸرگەندە جۇمىستا وتىرىپ الىپ, «ٶرت سٶندٸرۋشٸ» بولىپ كەتتٸك. قاي جەردە اقشا تٶلەندٸ, قاي جەردە تٶلەنبەدٸ – بەرٸن باقىلاپ وتىرۋعا تۋرا كەلدٸ. سەبەبٸ بٸلٸم جٷيەسٸنٸڭ سيپاتى ٶتە ورتالىقتاندىرىلعان. ەر اۋدان نەمەسە وبلىستا ايلىق تٶلەۋ, شەكٸرتاقى نەمەسە سىياقى بەرۋ جۇمىستارى مەسەلە تۋىنداتادى. سول سەبەپتٸ قىسقا ۋاقىتتىڭ ٸشٸندە قارجىلاندىرۋ سالاسىندا تسيفرلاندىرۋ جۇمىستارىن جٷرگٸزۋ كەرەك», - دەدٸ اسحات ايماعامەتوۆ قاشىقتان وقىتۋ تەحنولوگييالارىن قولدانۋدىڭ پروبلەمالارى تالقىلانعان ونلاين رەجيمدەگٸ كەزدەسۋدە.
مينيستردٸڭ ايتۋىنشا, عىلىمي جۇمىستاردى تٸركەۋدٸڭ قازاقستاندىق يندەكسٸندە عالىمداردىڭ بازاسى, ٶتٸنٸمدەردٸڭ تٸزٸمٸ, ەسەپتٸلٸك تە ەنگٸزٸلمەك.
«مەسەلەن بەلگٸلٸ بٸر عالىم وسىنشا قاراجات الدى دەسەك, ول اقشانى قالاي پايدالانعانىن, ەسەپتٸلٸك قالاي بولعانىن تەكسەرٸپ وتىرۋعا بولادى. كوللەدجدەردە دە ورتا بٸلٸمدەگٸدەي پروبلەمالار قوردالانىپ تۇر. اتاپ ايتقاندا بٸلٸم بەرۋ كونتەنتتەرٸ تۇرعىسىندا قيىندىقتار بار. پلاتفورمالار بار دەسەك تە, كونتەنت, ەلەكتروندى جاتتىعۋ الاڭى, ەلەكتروندى وقۋلىق تا جوق», - دەدٸ ول.
اسحات ايماعامبەتوۆ مينيسترلٸكتٸڭ قازٸرگٸ تاڭدا مەكتەپتەر بويىنشا ەلەكتروندى وقۋلىقتارعا باسا ماڭىز بەرٸلٸپ جاتقانىن جەتكٸزدٸ.
«كٶپ ادام بىلايعى كٸتاپتى ەلەكتروندى فورماتقا اۋىستىردى – بٸتتٸ, مەسەلە شەشٸلدٸ دەپ ويلايتىن بولۋ كەرەك. كەي جەردە سولاي اۋدارىلىپ تا جاتىر. بٸراق قاشىقتان وقىتۋدىڭ تالابىنا ساي كەلەتٸن لايىقتى ەلەكتروندى وقۋلىقتى دايىنداپ جاتقان باسپالار بار. قازٸر اتىن اتاعىم كەلمەيدٸ. باسپالاردىڭ الدىنا ەلەكتروندى وقۋلىقتارىمىز بولۋى كەرەك دەگەن تالاپ قويدىق. بالالارعا ول قولجەتٸمدٸ بولۋى تيٸس», - دەدٸ ول.
