سولتٷستٸك قازاقستان وبلىسىندا بىلتىر 65 ملن تەڭگەگە 4 نىساندا قالپىنا كەلتٸرۋ جۇمىستارى جٷرگٸزٸلدٸ, دەپ حابارلايدى "ۇلت اقپارات".
سقو-دا 600-گە جۋىق تاريحي-مەدەني ەسكەرتكٸش بولسا, سونىڭ 8-ٸنٸڭ رەسپۋبليكالىق مەرتەبەسٸ بار. ولاردىڭ جاعدايى ٷنەمٸ مامانداردىڭ باقىلاۋىندا.
بىلتىر تاريحي-مەدەني مۇرانى قورعاۋ جەنە پايدالانۋ ورتالىعى پەتروپاۆلداعى جەنە ەسٸل, ۋەليحانوۆ, جامبىل, ايىرتاۋ اۋداندارىندا 16 ەسكەرتكٸشكە مونيتورينگ جاسادى. ونىڭ قورىتىندىسى بويىنشا, تاريحي-مەدەني نىسانداردىڭ يەلەرٸنە جەنە ونى پايدالانۋشىلارعا انىقتالعان ولقىلىقتاردى جويۋعا 7 ەسكەرتۋ جٸبەرٸلگەن.
«پەتروپاۆل قالالىق ەكٸمدٸگٸنە قونىس اۋدارۋشىلار پۋنكتٸنە جەنە ساياسي قۋعىن-سٷرگٸن قۇرباندارىنا ارنالعان ەسكەرتكٸشكە قاتىستى, بانكتەردٸڭ بٸرٸنٸڭ فيليالىنا كٶپەس شافەەۆتٸڭ ٷيٸنە بايلانىستى ەسكەرتۋلەر بولدى», - دەيدٸ سقو تاريحي-مەدەني مۇرانى قورعاۋ جەنە پايدالانۋ ورتالىعىنىڭ ديرەكتورى راقات مامبەتالينوۆ.
بىلتىر ٶڭٸردە 4 نىسان بيۋدجەت جەنە ونى پايدالانۋشىلار ەسەبٸنەن جٶنگە كەلتٸرٸلدٸ. وسى ماقساتقا 65 ملن تەڭگە جۇمسالدى. قالپىنا كەلتٸرٸلگەن عيماراتتاردىڭ بٸرٸ – س.مۇقانوۆ تۇرعان ٷي. جازۋشىنىڭ 120 جىلدىق مەرەيتويىنا وراي جامبىل اۋدانى سەبيت اۋىلىنداعى مۇراجايدىڭ ٸشٸ-سىرتى جٶندەلٸپ, ەسٸك-تەرەزەلەرٸ جاڭارتىلدى. ماڭايى دا جٶنگە كەلتٸرٸلدٸ.
بيىل ايىرتاۋ اۋدانىنداعى ايعانىم قونىسىندا جٶندەۋ جۇمىستارى جالعاسپاق. 1824 جىلى سالىنعان ٷي ٶتكەن عاسىردىڭ باسىندا ٶرتەنگەن.
تەك 1993 جىلى قىستاقتىڭ ورنىندا قايتادان عيمارات بوي كٶتەرگەن ەدٸ. 2019 جىلدان بەرٸ نىساندا قالپىنا كەلتٸرۋ جۇمىستارى جٷرگٸزٸلٸپ جاتىر. بيىل رەسپۋبليكا قازىناسىنان وسى ماقساتقا 25 ملن تەڭگە بٶلٸندٸ.
