پوليتسييانىڭ حابارلاۋىنشا, 28 قاراشا تٷس اۋا ەر ادام كٶپقاباتتى ٷيدٸڭ بٸرٸنشٸ قاباتىنداعى نوتاريۋس كەڭسەسٸندە ەيەلٸن كەپٸلگە الىپ, گراناتا جاراتىنىن ايتىپ قورقىتقان. جەڭگٸر حان كٶشەسٸندەگٸ 73 ٷيدەن جٷزدەن استام ادام ەۆاكۋاتسييالاندى, دەپ جازادى ازاتتىق.
پوليتسەيلەر, پروكۋراتۋرا مەن ارنايى قىزمەت ٶكٸلدەرٸ ەر اداممەن كەلٸسسٶز جٷرگٸزگەن.
- ساعات 13.10-دا بٸر ادام «102» نٶمەرٸنە قوڭىراۋ شالىپ, «جازيرا» ايالداماسىندا پىشاق پەن گراناتا ۇستاعان ەر ادامنىڭ قوقاڭ-لوقى جاساپ تۇرعانىن ايتتى. پوليتسييا ايالداماعا كەلگەندە ەر ادام نوتاريۋسقا كٸرٸپ, ٸشٸنەن قۇلىپتاپ العان ەكەن. 13.25-تە تۇرعىنداردى ەۆاكۋاتسييالاي باستادىق. تۇرعىنداردى №20 مەكتەپتٸڭ عيماراتىنا ورنالاستىرىپ, ىستىق تاماق بەردٸك. ساعات 15.00-گە تامان ەر ادام العاشقى تالابىن ايتتى. وقيعا ورنىنا اعاسى مەن ەپكەسٸ كەلدٸ. كەلٸسسٶزدەن كەيٸن ول كەپٸلگە العان ادامدى جٸبەردٸ, - دەدٸ بقو پوليتسييا دەپارتامەنتٸ باستىعىنىڭ مٸندەتٸن اتقارۋشى سەرٸك سٷيٸنباەۆ.
پوليتسييانىڭ ايتۋىنشا, ەر ادام ٸرٸ كٶلەمدە اقشا جەنە ۇشاق تالاپ ەتكەن. كۋەگەرلەردٸڭ بٸرٸ پوليتسەيلەر كەلٸسسٶز كەزٸندە تەرەزەدەن ەر ادامعا كونفەت پەن شامپان بەرگەنٸن ايتتى. پوليتسييا بۇل سٶزدٸ راستامادى, جوققا دا شىعارعان جوق. پوليتسييانىڭ سٶزٸنشە, ەر ادامنىڭ قولىندا گراناتانىڭ مۋلياجى بولعان.
سٷيٸنباەۆ ەر ادامنىڭ ٷستٸنەن «ادامدى كەپٸلگە الۋ» بابى بويىنشا قىلمىستىق ٸس قوزعالعانىن ايتتى. پوليتسييانىڭ دەرەگٸنشە, ەر ادام بۇرىن سوتتالعان, ەكٸ رەت قورعاۋ نۇسقاماسىن (بۇل قۇجات تۇرمىستىق زورلىق-زومبىلىق جاساعان ادامدارعا ەسكەرتۋ رەتٸندە بەرٸلەدٸ) العان.
كەپٸلدە بولعان ەيەل اۋرۋحاناعا جەتكٸزٸلگەن. ونىڭ اياعىندا پىشاق جاراقاتى بولعان. پوليتسييا وقيعانى «وتباسىلىق ۇرىس-كەرٸس» دەپ اتادى.
