فوتو: kun.uz
2022 جىلدىڭ تامىزىندا ٶزبەكستاندا 31 جاستاعى ەر ادام ٶزٸنەن 7 جاس كٸشٸ ەيەلٸن ەكەسٸنٸڭ ٷيٸندە باۋىزداپ ٶلتٸرگەن. سوت ونى 19 جىلعا باس بوستاندىعىنان ايىردى, دەپ حابارلايدى Azattyq ruhy.
ٶزبەكستاننىڭ Kun.uz سايتىنىڭ جازۋىنشا, ەر ادام ەيەلٸن ٶلتٸرمەستەن بٸر كٷن بۇرىن بالاباقشاعا كەلٸپ, ونى بالالارىنىڭ كٶزٸنشە قاتتى سوققىعا جىققان. سوتتا ەر ادام ەيەلٸن ۇرىپ-سوعۋىنىڭ سەبەبٸ – قىزعانىش بولعانىن ايتادى. ال, ونى باۋىزداۋعا قاتىستى ٸستە ەيەلٸنٸڭ قولىنداعى پىشاق موينىنا بايقاماي كٸرٸپ كەتتٸ دەپ اقتالعان.
«تٷندە سٶيلەسٸپ جاتقاندا ەيەلٸمنٸڭ قولىندا پىشاق بولدى. مەن ونى تارتىپ الماق بولعاندا, بايقاماي, ەيەلٸمنٸڭ موينىنا كٸرٸپ كەتتٸ», - دەگەن ول.
بٸراق سوت ونى «ەدەيٸ ادام ٶلتٸرۋ» جەنە «قاراقشىلىق جاساۋ» باپتارىمەن 19 جىلعا سوتتادى.
