فوتو: كونستيتۋتسييالىق سوتتىق باسپاسٶز قىزمەتٸ
مەجٸلٸس دەپۋتاتى ا. سارىم «قازاقستان رەسپۋبليكاسىنىڭ قۇرىلتايى جەنە ونىڭ دەپۋتاتتارىنىڭ مەرتەبەسٸ تۋرالى» كونستيتۋتسييالىق زاڭ جوباسى بويىنشا بايانداما جاسادى. قۇجات بٸرٸنشٸ وقىلىمدا قارالىپ جاتىر, دەپ حابارلايدى Ult.kz.
دەپۋتاتتىڭ ايتۋىنشا, زاڭ جوباسى جاڭا كونستيتۋتسييا نورمالارىن ٸسكە اسىرۋ ماقساتىندا ەزٸرلەنگەن. نەگٸزگٸ ماقسات – بٸرپالاتالى قۇرىلتايدىڭ كونستيتۋتسييالىق-قۇقىقتىق نەگٸزٸن قالىپتاستىرۋ.
باياندامادا قۇرىلتاي ۇعىمىنىڭ تاريحي تامىرى تەرەڭ ەكەنٸ اتاپ ٶتٸلدٸ. ول حالىق بيلٸگٸنٸڭ باستاۋى رەتٸندە باعالانىپ, قازاق تاريحىنداعى ماڭىزدى شەشٸمدەر قۇرىلتاي اياسىندا قابىلدانعانى ايتىلدى.
«قازٸرگٸ قۇرىلتاي – تاريحي ينستيتۋتتىڭ كٶشٸرمەسٸ ەمەس, زاڭ شىعارۋشى بيلٸكتٸ جٷزەگە اسىراتىن جاڭا زامانعى ٶكٸلدٸ ورگان», – دەدٸ دەپۋتات.
جاڭا مودەلگە سەيكەس, قۇرىلتاي 145 دەپۋتاتتان تۇرادى. ولار پروپورتسيونالدى جٷيە بويىنشا 5 جىل مەرزٸمگە سايلانادى. سونىمەن قاتار ونىڭ زاڭ شىعارۋ, مەملەكەتتٸك ورگانداردى قالىپتاستىرۋعا قاتىسۋ جەنە پارلامەنتتٸك باقىلاۋ فۋنكتسييالارى بەكٸتٸلەدٸ.
قۇرىلتاي قىزمەتٸ سەسسييالار, وتىرىستار, تىڭداۋلار جەنە ٷكٸمەت ساعاتتارى فورماتىندا جٷزەگە اسادى. تٶراعا, بيۋرو, كوميتەتتەر مەن كوميسسييالار قۇرىلىمى دا زاڭمەن ايقىندالادى.
دەپۋتاتتىڭ ايتۋىنشا, بٸرپالاتالى جٷيە زاڭ شىعارۋ پروتسەسٸن جەدەلدەتٸپ, اشىقتىق پەن جاۋاپكەرشٸلٸكتٸ كٷشەيتەدٸ. سونداي-اق حالىقارالىق تەجٸريبەدە مۇنداي مودەلدٸڭ كەڭ تارالعانى اتاپ ٶتٸلدٸ.
زاڭ جوباسىندا قۇرىلتايدىڭ ٷكٸمەتپەن ٶزارا ٸس-قيمىلى, دەپۋتاتتاردىڭ مەرتەبەسٸ, قۇقىقتارى مەن مٸندەتتەرٸ دە ناقتى كٶرسەتٸلگەن. سونىمەن بٸرگە قۇرىلتاي پارلامەنتتٸڭ قۇقىقتىق ميراسقورى رەتٸندە بەلگٸلەنەدٸ.
قۇجات قابىلدانعان جاعدايدا, زاڭ 2026 جىلعى 1 شٸلدەدەن باستاپ كٷشٸنە ەنەدٸ. بۇعان دەيٸنگٸ پارلامەنت پەن ونىڭ قىزمەتٸن رەتتەيتٸن زاڭدار ٶز كٷشٸن جويادى.
بايانداما سوڭىندا دەپۋتات ەرٸپتەستەردٸ زاڭ جوباسىن قولداۋعا شاقىردى.
