مەدەنيەتتەر مەن دٸندەردٸڭ حالىقارالىق ورتالىعىنىڭ ديرەكتورى ايدار ەبۋوۆ پرەزيدەنت قاسىم-جومارت توقاەۆتىڭ قاتىسۋىمەن ٶتكەن ٷكٸمەتتٸڭ كەڭەيتٸلگەن وتىرىسىندا بۇعان دەيٸن حالىق اراسىندا سىبىرلاپ ايتىلىپ جٷرگەن مەسەلەلەردٸ پرەزيدەنت دٶپ باسىپ ايتتى, دەگەن پٸكٸر بٸلدٸردٸ.
«مەملەكەت باسشىسى ەلٸمٸزدەگٸ مەسەلەلەردٸڭ بار ەكەنٸن ايتىپ قانا قويماي, ونى قالاي شەشۋ كەرەك, قالاي جۇمىس جاساۋ كەرەك, وعان كٸمدەر جاۋاپتى بولاتىنىنا دەيٸن ناقتىلاپ ايتتى. سونىڭ بٸرٸ «بولاشاق» باعدارلاماسى. بۇعان دەيٸن بٸلٸم ٸزدەگەن جاستار عانا ەمەس, شەندٸ-شەكپەندٸلەرگە دەيٸن بٸلٸمٸن جەتٸلدٸرۋ ماقساتىندا وسى باعدارلامانى پايدالاناتىن. ەندٸگٸ جەردە بۇعان جول بەرٸلمەيتٸندٸگٸ ايتىلدى. اۋىل شارۋاشىلىعىنا قاتىستى دا, سىرتتان ينۆەستورلار تارتۋدا دا جەرگٸلٸكتٸ ەكٸمدەرگە تالاپ قويدى. سول ينۆەستورلار ارقىلى ەلٸمٸزدەگٸ ەكونوميكالىق مەسەلەلەردٸ شەشۋگە بولار ەدٸ. الايدا بۇعان دەيٸن بٸزدٸڭ ٶڭٸرلەردەگٸ ەكٸمدەردٸڭ ٶزدەرٸڭ تىم اسقاق ۇستاۋىنان سىرتتان قارجى قۇياتىن ينۆەستورلار سانى ازايعان. سانامالاپ ايتا باستاساق شەشۋٸن تاپپاعان كٷردەلٸ مەسەلەلەر كٶپ ەكەن. كەشە مەملەكەتكە شىعىن ەكەلەتٸن جوبالار, حالىقتىڭ تۇرمىس دەڭگەيٸنٸڭ تٶمەندەۋٸ, ەلدٸڭ نەسيەگٸ تەۋەلدٸلٸگٸن جويۋ, حالىقتى تۇرعىن ٷيمەن قامتۋ سەكٸلدٸ ٶتە ٶزەكتٸ مەسەلەلەر كٶتەرٸلدٸ», - دەيدٸ ايدار ەبۋوۆ.
ونىڭ ايتۋىنشا ەندٸگٸ جەردە بۇل مەسەلەلەردٸ حالىق باقىلايتىن بولادى. سەبەبٸ, بيلٸك پەن حالىقتىڭ اراسى جاقىندادى.
«وسى ايتىلعان سىن وڭ شەشٸلسە حالىقتىڭ تۇرمىسى جاقسارادى, ورىندالماي وسى قالپىندا قالاتىن بولسا تۇرمىس تٶمەندەي بەرەدٸ. بٸراق, قازٸر بيلٸك پەن حالىقتىڭ اراسى ايتارلىقتاي جاقىندادى. بۇل مەسەلەلەردٸڭ ورىندالۋىن حالىق باقىلاۋىندا ۇستايدى. قازٸر ەلەۋمەتتٸك جەلٸ دە بارلىق مەسەلە اشىق تالقىلانادى. سوندىقتان دا مەملەكەت باسشىسى بارلىق ەكٸمدەرگە ەلەۋمەتتٸك جەلٸلەرگە تٸركەلٸپ, ەلمەن تىعىز بايلانىستا بولۋدى بۇعان دەيٸن تاپسىرعان بولاتىن», - دەيدٸ ول.
