شىعىس قازاقستان وبلىسىنداعى ەلدٸ مەكەندەر حالقى ەرتەڭ العاش ٶتكەلٸ وتىرعان اۋىل ەكٸمدەرٸنٸڭ سايلاۋىنا زور قىزىعۋشىلىق بٸلدٸرٸپ وتىر. وسىنداي پٸكٸردٸ «پارتييالىق ەمەس باقىلاۋ ورتالىعى» رەسپۋبليكالىق قوعامدىق بٸرلەستٸگٸنٸڭ شقوف تٶراعاسى اياۋجان اشيموۆا بٸلدٸردٸ, دەپ حابارلايدى قازاقپارات.
«ٶڭٸر بويىنشا 300-دەن استام ادامدى بايقاۋشى رەتٸندە دايارلاپ, ارنايى وقىتۋدان ٶتكٸزدٸك. ەرتەڭگٸ سايلاۋدا وبلىستاعى بارلىق ۋچاسكەلەردە بٸزدٸڭ بايقاۋشىلارىمىز جۇمىس ٸستەيدٸ. سايلاۋ اۋىلدى جەرلەردە ٶتەتٸندٸكتەن ولار ەلدٸ مەكەن تۇرعىندارىنىڭ اراسىنان ٸرٸكتەلدٸ. قويىلعان باستى تالاپتار – ازاماتتاردىڭ نيەتٸ مەن بەلسەندٸلٸگٸنٸڭ بولۋى», - دەدٸ اياۋجان اشيموۆا.
ونىڭ ايتۋىنشا, بايقاۋشىلار اۋىل حالقىنان تاڭدالىپ العاندىقتان الداعى ۋاقىتتا جاڭا سايلانعان ەكٸمنٸڭ جۇمىسىنا تٸكەلەي كۋە بولىپ, ٶز باعالارىن بەرە الادى.
«وبلىستاعى اۋىل جۇرتشىلىعى سايلاۋعا زور قىزىعۋشىلىق بٸلدٸرٸپ وتىر. بۇل سايلاۋ دەر كەزٸندە ٶتكٸزٸلٸپ جاتىر دەپ ويلايمىن. سەبەبٸ قازٸر بۇقارا حالىق وسىنداي پروتسەدۋرالارعا دايىن. كٶپشٸلٸكتٸڭ قۇقىقتىق ساۋاتتىلىعى جوعارى. بٸز ٶزٸمٸزدٸڭ بايقاۋشىلاردى وقىتقان كەزدە تەك زاڭ نورمالارىن تٷسٸندٸرٸپ قانا قويماي, كٷتپەگەن جاعدايلار بولىپ قالعاندا قالاي ەرەكەت ەتۋ كەرەكتٸگٸن پىسىقتادىق», - دەدٸ «پارتييالىق ەمەس باقىلاۋ ورتالىعى» رەسپۋبليكالىق قوعامدىق بٸرلەستٸگٸنٸڭ شىعىس قازاقستان وبلىستىق فيليالىنىڭ تٶراعاسى.
بايقاۋشىلاردى دايارلاۋعا وسى سالادا 15 جىلدان ارتىق تەر تٶگٸپ كەلە جاتقان كەسٸبي ماماندار تارتىلعان.
