ەلٸمٸزدە اۆتوكٶلٸكتٸ قايتا تٸركەۋ كەزٸندە مەملەكەتتٸك نٶمٸردٸ ساقتاۋ پروتسەسٸ اۆتوماتتاندىرىلدى. بۇل جايىندا قر تسيفرلىق دامۋ, يننوۆاتسييا جەنە اەروعارىش ٶنەركەسٸبٸ مينيسترٸ اسقار جۇماعاليەۆ Facebook پاراقشاسىندا جازدى, دەپ حابارلايدى "ۇلت اقپارات".
«سٸزدەر تٶتەنشە جاعداي كەزٸندە 4,5 مىڭنان استام ازاماتتىڭ ٶز اۆتوكٶلٸگٸن پورتال ارقىلى رەسٸمدەگەنٸن ەستٸگەن بولارسىزدار. بٸراق رەسٸمدەي الماعاندارى دا بار. سەبەبٸ, ولار كٶلٸگٸن ساتقاننان كەيٸن, مەملەكەتتٸك نٶمٸردٸ ٶز اتىندا ساقتاپ قالعىلارى كەلدٸ. ەرينە, بۇل - ازاماتتاردىڭ ٶز قالاۋى. كەيبٸرٸنە تسيفرلاردىڭ كومبيناتسيياسى ۇناۋى مٷمكٸن. وسى مەسەلەنٸ تسيفرلىق كوميسسارلار دا كٶتەرگەن ەدٸ. تٸپتٸ, بٸر ازاماتتىڭ 362 نٶمٸرٸن ٶز اتىندا قالدىرعىسى كەلەتٸنٸ تۋرالى ماعان حات جازعانى ەسٸمدە. ول تۇرىپ جاتقان ايماقتا بۇل سان كيەلٸ سانالادى ەكەن جەنە ونى تۇمارىنداي كٶرسە كەرەك», - دەپ جازدى مينيستر.
اسقار جۇماعاليەۆ ازاماتتاردىڭ ۇسىنىس-پٸكٸرلەرٸن قر ٸشكٸ ٸستەر مينيسترلٸگٸندەگٸ ەرٸپتەستەرٸنە جەتكٸزگەندٸگٸن اتاپ ٶتەدٸ.
«ولار «ۇلتتىق اقپاراتتىق تەحنولوگييالار» اق-مەن بٸرلەسٸپ, اۆتوكٶلٸكتٸ قايتا تٸركەۋ كەزٸندە نٶمٸردٸ ساقتاۋ پروتسەسٸن اۆتوماتتاندىردى. بۇرىن بۇل پروتسەسس مامانداندىرىلعان حقكو-دا قاعاز تٷرٸندە جٷرگٸزٸلەتٸن, ازاماتتىڭ نٶمٸردٸ ٶز اتىندا قالدىراتىنى تۋرالى جازعان ٶتٸنٸشٸن حقكو قىزمەتكەرلەرٸ ٸٸم ەكٸمشٸلٸك پوليتسييا كوميتەتٸنە جولداپ وتىردى. كەشە وسى سەرۆيستٸ تەستٸلەۋگە قاتىستىم. بٷگٸن ٸسكە قوستىق. ەندٸ كٶلٸگٸڭٸزدٸ پورتال ارقىلى ەسەپتەن شىعارۋ كەزٸندە «مەملەكەتتٸك تٸركەۋ نٶمٸرلٸك بەلگٸسٸن ساقتاۋ» سٶزٸنٸڭ جانىنا بەلگٸ قويساڭىز بولدى, مەملەكەتتٸك نٶمٸر ٶزٸڭٸزدە قالادى», - دەدٸ ول.
