كادر: "الماتى" ارناسى
اۆتوبۋس جٷرگٸزۋشٸسٸن بالعامەن ۇرىپ, اۋرۋحانادان بٸر-اق شىعارعان شىمكەنتتٸك جاس جٸگٸت باس بوستاندىعىنان ايىرىلمايدى, دەپ حابارلايدى Ult.kz Almaty.tv-عا سٸلتەمە جاساپ.
سەبەبٸ 17 جاستاعى تۇرعىن ٶز كٸنەسٸن مويىنداپ, جەبٸرلەنۋشٸ تاراپپەن تاتۋلاسقان. سوت ونى بوستاندىققا جٸبەردٸ.
ەسكە سالساق, وقيعا ماۋسىمدا بولعان. سول كەزدە № 52 باعىتتاعى قوعامدىق كٶلٸك جٷرگٸزۋشٸسٸ بٸر ادامنىڭ جول اقىسىن تٶلەمەگەنٸن ايتىپ, ەسكەرتۋ جاساعان. الايدا ازامات بۇل سٶزگە اشۋلانىپ, اۆتوبۋس جٷرگٸزۋشٸسٸن بالاعاتتاپ, سىرتقا شىعۋىن تالاپ ەتكەن. ارتى تٶبەلەسكە ۇلاسىپ, جٷرگٸزۋشٸگە بٸرنەشە ادام جابىلا كەتكەن. كەلەڭسٸز جايتتان كەيٸن كەمەلەتكە تولماعان جٸگٸت قاماۋعا الىنعان.
"قىلمىستىق كودەكستٸڭ 114-بابى 3-بٶلٸگٸ بويىنشا ايىپتالعان ايىپتالۋشىعا قىلمىستىق كودەكستٸڭ 68-بابى 1-بٶلٸگٸ قولدانىلىپ, ول جەبٸرلەنۋشٸمەن تاتۋلاسىپ, كەلتٸرٸلگەن زيياندى قالپىنا كەلتٸرگەنٸنە بايلانىستى قىلمىستىق جاۋاپكەرشٸلٸكتەن بوساتىلىپ, قىلمىستىق ٸس توقتاتىلسىن. ايىپتالۋشىعا قولدانىلعان بۇلتارتپاۋ شاراسى ٶزگەرتٸلٸپ, دەرەۋ بوساتىلسىن", – دەدٸ سۋديا بولات قاراباەۆ.
