ازاماتتىق اۆياتسييا اكادەميياسىنىڭ رەكتورى بەكەن سەيداحمەتوۆتىڭ ايتۋىنشا, بٸلٸم جەنە عىلىم مينيسترلٸگٸنٸڭ نورماتيۆتٸ قۇجاتتارى حالىقارالىق اۆياتسييالىق تالاپتارعا ساي كەلمەيدٸ, دەپ حابارلايدى قازاقپارات.
«بٸز ازاماتتىق اۆياتسييانى دامىتۋدىڭ 2025 جىلعا دەيٸنگٸ تۇجىرىمداماسىن ەزٸرلەدٸك. قازاقستاننىڭ ٶزٸن شىعىس پەن ەۋروپانى بايلانىستىراتىن حالىقارالىق فاب رەتٸندە تانىستىراتىنى بەلگٸلٸ. سونداي-اق, تۇڭعىش پرەزيدەنتتٸڭ بۇرىنعى جولداۋلارىندا دا اۆياتسييا سالاسىندا بٸلٸكتٸ مامانداردىڭ كەرەكتٸگٸ تۋرالى ايتىلعان بولاتىن. «بوينگ» كومپانيياسىنىڭ الداعى 30 جىلعا جاسالعان بولجامدى زەرتتەۋلەرٸ جالپى ەلەمدٸك اۆياتسيياعا 679 مىڭ ينجەنەرلٸك تەحنيكالىق ماماننىڭ, 617 مىڭ پيلوتتىڭ كەرەك ەكەنٸن كٶرسەتكەن. الدىن الا بولجامعا سٷيەنسەك, قازاقستاننىڭ اۆياتسييا سالاسىنا الداعى 20 جىلدا 1200 پيلوت پەن 1500 ينجەنەر كەرەك», - دەدٸ بەكەن سەيداحمەتوۆ ەلوردادا ٶتكەن باسپاسٶز مەسليحاتىندا.
ونىڭ ايتۋىنشا, ەۋە تاسىمالى نارىعىنىڭ كەڭەيۋٸنە بايلانىستى ەۋە كومپانييالارى اراسىندا بەسەكە بۇرىنعىدان قىزا تٷسكەن. ەۋە جولاۋشىلارىنىڭ سانى دا ٶسە بەرمەك.
«بٷگٸنگٸ كٷنٸ سالاداعى احۋال تۋرالى بايان ەتەيٸن. بٸز وتاندىق نۇسقاۋشىلار مەن باسقارۋشىلاردىڭ, اۆيامامانداردىڭ جەتٸسپەۋشٸلٸگٸن سەزٸپ وتىرمىز. اۆياتسييا سالاسىندا ەلٸمٸزدە 20 مىڭ مامان بار دەسەك, ونىڭ 650-ٸ - شەتەلدٸك. اكادەمييانىڭ وقۋ باعدارلاماسىنىڭ حالىقارالىق اۆياتسييالىق تالاپتارعا ساي ەمەستٸگٸن باسا ايتىپ ٶتكٸمٸز كەلەدٸ. اۆيامامانداردى دايارلاۋعا قاراجات دۇرىس جوسپارلانباعان. ۇلتتىق كۆاليفيكاتسييا جٷيەسٸنٸڭ ەلسٸز ٸشكٸ تەرتٸبٸ, دايارلاۋ جٷيەلەرٸنٸڭ اراسىندا بايلانىستىڭ بولماۋى بايقالادى. بٸزدە 30 كەسٸبي ستاندارت بولۋى تيٸس. قازٸرگٸ ۋاقىتتا وقۋ باعدارلاماسى كەسٸبي ستاندارتتاردىڭ نەگٸزٸندە جاسالادى», - دەدٸ ول.
بەكەن سەيداحمەتوۆ قازٸر اكادەمييا تٷلەكتەرٸنە ەش جەردە سۇرانىس جوق ەكەنٸن ايتادى.
«ابيتۋريەنتتەردٸ تاڭداۋ بويىنشا تٷلەكتەردٸ جۇمىسقا تۇرعىزۋ مەحانيزمٸ جوق. بٸر پيلوتتى دايىنداۋعا كەتٸپ جاتقان شىعىن وقۋ گرانتىنىڭ قۇنىنان 10 ەسە اسىپ كەتەدٸ. ياعني, بٸر پيلوتتى دايىنداۋ ٷشٸن مەملەكەت 20 ميلليون تەڭگە جۇمسايدى. بعم-نٸڭ نورماتيۆتٸ قۇجاتتارى حالىقارالىق اۆياتسييا تالاپتارىنا ساي كەلمەيدٸ. وقىتۋشىلىق قۇرام ەلسٸز, حالىقارالىق سەرتيفيكاتى بار نۇسقاۋشىلار جەتكٸلٸكسٸز», - دەدٸ ول.
بەكەن سەيداحمەتوۆتىڭ سٶزٸنە سەنسەك, 2019 جىلى اكادەمييادان 702 تٷلەك تٷلەپ ۇشقان. سونىمەن بٸرگە, اۆياتسييا كوللەدجٸن 295 تٷلەك بٸتٸرسە, 407-ٸ اكادەمييادا وقۋ بٸتٸرٸپ, 19-ى - ماگيسترانت. بيىل اكادەمييا 797 ستۋدەنتتٸ وقۋعا قابىلداعان. ونىڭ ٸشٸندە 269-ى اۆياتسييالىق كوللەدجگە قابىلدانسا, 492-ٸ اكادەميياعا وقۋعا كەلگەن. ونىڭ 107-ٸ – ۇشقىشتار. بٸر ادام دوكتورانتۋراعا, 35-ٸ ماگيستراتۋراعا تٷسكەن.
