ەلباسى نۇرسۇلتان نازارباەۆ اۋىلعا دەگەن قامقورلىقتى مەملەكەت ەردايىم نازاردا ۇستاۋى كەرەكتٸگٸن ەسكە سالدى, دەپ حابارلايدى قازاقپارات.
«ستۋدەنت كەزدە جازداي اۋىلعا بارىپ, بيداي وراتىنبىز. قىركٷيەك پەن قازاندا بارلىعىن وقۋدان الىپ قالىپ, اۋىلعا جٸبەرەتٸن. اۋىلدىق جەرگە بارلىق جٷك كٶلٸگٸن, تەحنيكانى, ەلەكتريكتٸ, ەسكەردٸ - بارلىعىن جٸبەرەتٸن. قازٸر ەشبٸر فەرما ەشكٸمدٸ العىسى كەلمەيدٸ. سەبەبٸ ارتىق اقشا تٶلەگٸسٸ جوق. سوندىقتان بۇنىڭ ەكٸ جاعى بار. ەكٸ جاعىنىڭ دا شەشٸمٸ بار. قازٸر بٸز اۋىل شارۋاشىلىعىنا جىل سايىن مامانداردى جٸبەرٸپ جاتىرمىز. ولارعا كٶتەرٸڭكٸ جالاقى بەرٸلۋدە. اۋىل شارۋاشىلىعىندا ٶڭدەۋ يندۋستريياسى كٶتەرٸلەر بولسا, جۇمىس بولادى», - دەدٸ ەلباسى «حابار» ارناسىنا بەرگەن سۇحباتىندا.
ٷزدٸك اۋىل شارۋاشىلىعى ٶنٸمٸن ٶندٸرۋشٸلەر رەتٸندە نۇرسۇلتان نازارباەۆ سقو-داعى «زەنچەنكو» زاۋىتىن, اقمولا وبلىسىنداعى «رودينا» اۋىلىن ٷلگٸ ەتتٸ.
«جاستاردىڭ بارلىعى سول اۋىلداعى جۇمىس ورنىندا قالعىسى كەلەدٸ. وندا جاستارعا ٷي بەرەدٸ, وقىتادى. ول جاقتاعى جاستاردىڭ قالادا ٷيٸ نەمەسە جۇمىسى بولماسا, الىپ شاھاردا ولار نە ٸستەيدٸ?! سوندىقتان, اۋىل شارۋاشىلىعىندا جۇمىس ٸستەپ جٷرگەن ازاماتتار جاستاردى سول جەرگە تارتۋى كەرەك. كەيبٸرەۋلەر قالادا, كەيبٸرٸ اۋىلدا تۇرعىسى كەلەدٸ. بٸز اۋىلدان شىققان بالالار بولعاندىقتان, اۋىلدى اڭسايمىز عوي. بٷگٸن «Egemen Qazaqstan» گازەتٸندە جۋسان تۋرالى ٷلكەن ماقالا شىعىپتى. جۋساننىڭ يٸسٸ ادامنىڭ دەنەسٸن سەرگٸتەدٸ دەپ جازىپتى. شىنىندا دا, اۋىلعا بارساڭ, بٸر تٷپ جۋساندى جۇلىپ الىپ, يٸسكەيسٸڭ. يٸسٸ اڭقىپ تۇرادى», - دەدٸ ول.
نۇرسۇلتان نازارباەۆ وسى رەتتتە سۇلتان بەيبارىس تۋرالى فيلمدٸ ەسكە الدى.
«اۋىل دەگەن – بەرٸمٸزدٸڭ بەسٸگٸمٸز. اۋىلعا دەگەن قامقورلىقتى مەملەكەت نازاردا ۇستاۋى كەرەك. جاعداي جاساۋى كەرەك. تەحنيكانى السىن, تىڭايتقىشتاردى كٶبٸرەك شىعارىپ, ٶنٸمدٸلٸكتٸ ارتتىرىپ, از اداممەن كٶپ ٶنٸم شىعاراتىن جاعدايعا جەتۋٸ كەرەك. ودان قورقۋعا بولمايدى. ۋربانيزاتسييانى ەشكٸم توقتاتا المايدى», - دەدٸ نۇرسۇلتان نازارباەۆ.
.jpeg)