اۋىلعا باراتىن جاس دەرٸگەرلەرگە كٶتەرمەلەۋ جەردەماقىسى ارتادى. بۇل تۋرالى بٷگٸن قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى "ۇلت اقپارات".
«مەديتسينا ۇيىمدارىن بٸلٸكتٸ كادرلىق رەسۋرستارمەن جيناقتاۋ ٷشٸن بٸز كەلەسٸ ٸس-شارالاردى كٶزدەپ وتىرمىز. مەدتسينا قىزمەتكەرلەرٸنٸڭ جالاقىسىن كەزەڭ-كەزەڭمەن ارتتىرۋ ارقىلى 2023 جىلعا قاراي ەكونوميكاداعى ورتاشا جالاقىدان ەكٸ ەسە اسىپ تٷسەتٸن دەڭگەيگە جەتٸزۋ جوسپارلانعان», - دەدٸ الەكسەي تسوي دەنساۋلىق ساقتاۋ مينيسترلٸگٸنٸڭ كەڭەيتٸلگەن القا وتىرىسىندا.
سونمەن قاتار ول اۋىلدىق جەرلەرگە جۇمىس ٸستەۋگە بارعان جاسا ماماندارعا بەرٸلەتٸن كٶتەرمەلەۋ جەردەماقى مٶلشەرٸ 70 ايلىق ەسەپتٸك كٶرسەتكٸشتەن 100 اەك-كە دەيٸن ارتتىرىلاتىندىعىن اتاپ ٶتتٸ.
«بۇعان قوسا, بٸز 2030 جىلعا دەيٸن مەديتسينالىق كادرلارمەن قامتىلۋدى بولجاۋ مودەلٸن ەنگٸزۋدٸ كٶزدەپ وتىرمىز», - دەدٸ مينيستر.
