ٷكٸمەت اۋىلدىق ايماقتاردى دامىتۋ باعدارلاماسىنىڭ تۇجىرىمداماسىن تٷبەگەيلٸ قايتا قاراستىرۋى قاجەت. بۇل تۋرالى سەنات دەپۋتاتى اقىلبەك كٷرٸشباەۆ مەلٸم ەتتٸ, دەپ حابارلايدى قازاقپارات.
«اۋىلدىق ايماقتاردى دامىتۋ جۇمىستارىن تيٸمدٸ جٷرگٸزۋ ٷشٸن تيٸستٸ ۇسىنىستاردى ەڭگٸزەمٸز. بٸرٸنشٸدەن, ٷكٸمەت اۋىلدىق ايماقتاردى دامىتۋ باعدارلاماسىنىڭ تۇجىرىمداماسىن تٷبەگەيلٸ قايتا قاراستىرۋى قاجەت. وسى ورايدا ەڭ الدىمەن, اۋىلدىق ايماقتاردى دامىتۋ باعىتىن جەكە قۇجاتپەن ۇلتتىق جوبا رەتٸندە قابىلداۋ جٶن بولار ەدٸ. ەكٸنشٸدەن, اۋىلدىق ايماقتاردى دامىتۋ مەسەلەلەرٸن باسقارۋدى ۇلتتىق ەكونوميكا مينيسترلٸگٸ قاراماعىنان الىپ اۋىل شارۋاشىلىعى مينيسترلٸگٸنە بەرۋ كەرەك. سەبەبٸ اۋىل ٶندٸرٸسٸ مەن اۋىلدىق تۇرعىندارعا وڭتايلى جاعداي جاساۋ ورتاق مەسەلەنٸڭ قۇرامداس بٶلٸگٸ جەنە ونى بٶلٸپ-ايىرۋدىڭ قاجەتٸ جوق. سونىمەن قاتار, بۇل – بٷكٸل ەلەمدٸك تەجٸريبە. ەۋروپانىڭ كٶپتەگەن مەملەكەتتەرٸندە, كانادا, اۋسترالييا, رەسەي جەنە بەلارۋس سەكٸلدٸ اگرارلىق ەلدەردە اۋىلدىق جەرلەردٸ دامىتۋ مەسەلەسٸمەن اۋىل شارۋاشىلىعى مينيسترلٸگٸ اينالىسادى», - دەدٸ كٷرٸشباەۆ سەناتتاعى اۋىلدىق اۋماقتاردى دامىتۋ جٶنٸندەگٸ پارلامەنتتٸك تىڭداۋدا.
ونىڭ پايىمىنشا, ۇلتتىق جوبانى قارجىلىق قامتاماسىز ەتۋ قاعيداتتارىن تٷبەگەيلٸ قايتا قاراستىرعان جٶن. بۇل جەردە اۋىلدىق جەرلەردٸڭ ينفراقۇرىلىمىن دامىتۋ پروتسەسٸنە قاتىسقان مەملەكەتتٸك ەمەس قۇرىلىمداردىڭ شىعىندارىن سۋبسيدييالاۋ ارقىلى وسى ٸسكە جەكە كاپيتالدى بارىنشا تارتۋدىڭ ماڭىزى اسا زور.
«اۋىلشارۋاشىلىق ٶندٸرٸستٸ, اۋىلدىق ايماقتاردى دامىتۋ ٷشٸن اۋىل بيزنەسٸن قولجەتٸمدٸ ۇزاق مەرزٸمدٸ نەسيەمەن قامتاماسىز ەتۋ ٶتە ماڭىزدى. «بەيتەرەك» جەنە «قازاگرو» حولدينگتەرٸ بٸرٸككەننەن كەيٸن, ولاردىڭ باستى قىزمەت ەتۋ نىسانى اۋىل مەن اۋىل شارۋاشىلىعى بولادى دەگەن ٷمٸتتەمٸز. ول ٷشٸن جاڭا قارجى جٷيەسٸنٸڭ نەگٸزگٸ قۇرىلتايشىسى اۋىل شارۋاشىلىعى مينيسترلٸگٸ بولۋ كەرەك دەپ سانايمىز. قوسالقى شارۋاشىلىقتاردىڭ كووپەراتسيياسىن, اۋىلداعى مال باسىن جايىلىم جەنە جەم-شٶپپەن قامتاماسىز ەتۋ مەسەلەسٸن تٷبەگەيلٸ تٷردە شەشۋ قاجەت. بيىلعى جولداۋىندا پرەزيدەنت وسى سۇراقتارعا قاتىستى جەنە 1 ملن اۋىل تۇرعىندارىنىڭ تابىسىن تۇراقتى تٷردە كٶتەرۋ تۋرالى ناقتى تاپسىرما بەرگەن بولاتىن», - دەدٸ سەناتور.
