اۋىلداردا 315 جاڭا مەكتەپ سالىنادى. بۇل تۋرالى ٷكٸمەت وتىرىسىندا قر ۇلتتىق ەكونوميكا مينيسترٸ ەسەت ەرعاليەۆ ايتتى, دەپ حابارلايدى قازاقپارات.
«بٸلٸم بەرۋدٸڭ ساپاسىن جەنە قول جەتٸمدٸلٸگٸن ارتتىرۋ اياسىندا اۋىلدىق جەرلەردە 5 مىڭ مەكتەپتٸ جاڭعىرتۋ جەنە 315 جاڭا مەكتەپ سالۋ جوسپارلانۋدا. بارلىق اۋىل مەكتەپتەرٸ بٸلٸكتٸ پەداگوگتارمەن قامتىلاتىن بولادى. 3 جاستان 6 جاسقا دەيٸنگٸ بالالار 100 پايىز مەكتەپكە دەيٸنگٸ تەربيەمەن جەنە وقىتۋمەن قامتىلادى», - دەدٸ ەسەت ەرعاليەۆ.
ونىڭ اتاپ ٶتۋٸنشە, اۋىلداردا سپورتپەن اينالىسۋ جەنە شىعارماشىلىق ٷيٸرمەلەرٸن دامىتۋ ٷشٸن جاعداي جاساۋ ماقساتىندا 1 719 سپورت جەنە 748 مەدەنيەت نىسانى سالىنىپ, جاڭعىرتىلادى. دەنساۋلىق ساقتاۋ سالاسىندا 1 095 نىسان سالۋ جەنە جاڭعىرتۋ اۋىلدىق جەرلەردەگٸ دەنساۋلىق ساقتاۋ جٷيەسٸنٸڭ ساپاسىن جەنە قول جەتٸمدٸلٸگٸن ارتتىرۋعا مٷمكٸندٸك بەرەدٸ.
«بارلىق ٸس-شارالار اۋىل تۇرعىندارىنىڭ ٶمٸر سٷرۋ دەڭگەيٸن جاقسارتۋعا, تابىسىن ارتتىرۋعا جەنە اۋىلدىق اۋماقتاردى دامىتۋعا جاڭا سەرپٸلٸس بەرەدٸ», - دەدٸ مينيستر.
