مەملەكەت اۋىل شارۋاشىلىعىن سۋبسيدييالاۋدا تەحنيكالىق جەنە تەحنولوگييالىق جاڭارۋعا باعىتتالعان ينۆەستيتسييالىق سۋبسيدييالارعا باسىمدىق بەرەدٸ. بۇل تۋرالى قر پرەمەر-مينيسترٸ ەليحان سمايىلوۆ مەجٸلٸس دەپۋتاتتارىنىڭ ساۋالىنا جولداعان جاۋابىندا جازدى, دەپ حابارلايدى قازاقپارات.
«اگروٶنەركەسٸپ كەشەنٸن مەملەكەتتٸك قولداۋدى جەتٸلدٸرۋ جٶنٸندەگٸ جۇمىس توبى قۇرىلدى. وعان سالالىق قاۋىمداستىقتار مەن وداقتاردىڭ, اگروبيزنەستٸڭ, عىلىمنىڭ, مٷددەلٸ مەملەكەتتٸك جەنە جەرگٸلٸكتٸ اتقارۋشى ورگانداردىڭ, پارلامەنت سەناتى مەن مەجٸلٸس دەپۋتاتتارىنىڭ ٶكٸلدەرٸ كٸردٸ. جۇمىس توبى وتىرىستارىنىڭ شەڭبەرٸندە سۋبسيدييالاۋ رەسٸمٸن وڭايلاتۋدى, ونىڭ باعىتتارىن وڭتايلاندىرۋدى (سۋبسيدييالار تٷرلەرٸنٸڭ سانىن 51-دەن 7-گە دەيٸن قىسقارتۋ جوسپارلانىپ وتىر), بارلىق سۋبەكتٸلەر ٷشٸن قولجەتٸمدٸلٸكتٸ قامتاماسىز ەتۋدٸ, زاماناۋي تەحنولوگييالاردى ەنگٸزۋدٸ ىنتالاندىرۋدى جەنە اگروٶنەركەسٸپ كەشەنٸنە ينۆەستيتسييالار تارتۋدى, ناقتى ينديكاتيۆتٸك كٶرسەتكٸشتەرگە قول جەتكٸزۋ بويىنشا فەرمەرلەردٸڭ قارىمتا مٸندەتتەمەلەر الۋ نورماسىن ەنگٸزۋدٸ كٶزدەيتٸن جاڭا تەسٸلدەر تانىستىرىلدى», - دەلٸنگەن ٷكٸمەت باسشىسىنىڭ جاۋابىندا .
پرەمەر-مينيستردٸڭ مەلٸمەتٸ بويىنشا, سۋبسيدييالاۋدىڭ جاڭا جٷيەسٸنە كٶپتەگەن ۇسىنىستار تٷسكەن.
«سۋبسيدييالاۋدىڭ باسىم باعىتتارى رەتٸندە سالانى تەحنيكالىق جەنە تەحنولوگييالىق قايتا جاراقتاندىرۋعا, قارجى قۇرالدارى بويىنشا مٶلشەرلەمەلەردٸ سۋبسيدييالاۋعا, سونداي-اق سەلەكتسييالىق-اسىل تۇقىمدى, تۇقىم شارۋاشىلىعىن, شيكٸزاتتى تەرەڭ قايتا ٶڭدەۋدٸ سۋبسيدييالاۋعا باعدارلانعان ينۆەستيتسييالىق سۋبسيدييالاۋدى ايقىنداۋ ۇسىنىلادى.
بۇل ٶزگەرٸستەردٸ بيىل ٸسكە اسىرۋ جوسپارلانعان بولاتىن. سونىمەن قاتار, اعىمداعى احۋالدى جەنە ونىڭ دامۋ ٷردٸسٸن كەشەندٸ تالداۋدى, گەوساياسي داعدارىستىڭ ەل ەكونوميكاسىنا تەرٸس ەسەرٸن ازايتۋ بويىنشا وڭتايلى شارالار قابىلداۋ قاجەتتٸلٸگٸن نەگٸزگە الا وتىرىپ, سۋبسيدييالاۋدىڭ جاڭا تەتٸگٸن ەنگٸزۋ مەسەلەسٸن كەلەسٸ جىلعا قالدىرىپ, بيىل مەملەكەتتٸك قولداۋدى قولدانىستاعى قاعيدالار بويىنشا جٷزەگە اسىرۋ تۋرالى شەشٸم قابىلداندى», - دەدٸ ەليحان سمايىلوۆ.
