قازاقستاندا سوڭعى بەس جىلدا اۋىل شارۋاشىلىعى سالاسىندا 960 جەمقورلىق قىلمىسى تٸركەلگەن. بٷگٸنگٸ تاڭدا 62 قىلمىستىق ٸس تەرگەلۋدە, دەپ حابارلادى قر سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى مارات احمەتجانوۆ, - دەپ جازادى Sputnik قازاقستان.
"بٷگٸنگٸ كٷنٸ بٸزدٸڭ تاراپىمىزدان 62 قىلمىستىق ٸس قوزعالىپ, تەرگەلٸپ جاتىر. بۇل ٸستەرگە 2300 شارۋانىڭ قاتىسى بار. وسى جاعدايدى رەسمي تٷردە قاراستىرار بولساق, وندا ولاردىڭ بارلىعىن كٸنەلٸ دەپ تانۋعا بولادى. قازٸردٸڭ ٶزٸندە جٷزدەگەن جاڭا ٸس قوزعاپ, شارۋالاردىڭ ٸسٸن توقتاتا الار ەدٸك. بٸراق ولار كٶپ جاعدايدا قىلمىستىق ايلا-ەدٸستەردٸڭ قۇربانى بولىپ وتىر", - دەدٸ ول بريفينگتە.
قازاقستاندا بەس جىل ٸشٸندە سۋبسيديياعا 2 تريلليون تەڭگەگە جۋىق قاراجات بٶلٸنگەن. وسى جىلدار بويى لاۋازىمدى تۇلعالارعا قاتىستى قىلمىستىق ٸستەر تۇراقتى قوزعالىپ كەلدٸ, دەدٸ اگەنتتٸك باسشىسى.
جالپى اۋىل شارۋاشىلىعى سالاسىندا 960 قىلمىس تٸركەلسە, ونىڭ جارتىسىنان استامى سۋبسيدييا جىمقىرۋعا (54%) قاتىستى.
سىبايلاس جەمقورلىققا قارسى ٸس-قيمىل اگەنتتٸگٸ تالداۋ جٷرگٸزٸپ, بيۋدجەت قاراجاتىن بەي-بەرەكەت پايدالانۋدى, كٶپتەگەن سىبايلاس جەمقورلىق سحەمالارىن جەنە سۋبسيدييا جىمقىرۋ تەسٸلدەرٸن انىقتادى.
"قازٸر 62 قىلمىستىق ٸس تٸركەلدٸ. 16 ادام قاماۋدا وتىر. باسقا دا كٷدٸكتٸلەر بار. بٸر عانا باعدارلاما بويىنشا 80 ميلليارد تەڭگە بٶلٸنٸپ, ونىڭ 40 ميلليارد تەڭگەدەن استامى تيٸمسٸز يگەرٸلگەن. وسى سالادا قابىلدانعان سحەمالار مەن اكتٸلەر 40 ميلليارد تەڭگەدەن استام قارجىنى ۇرلاۋعا مٷمكٸندٸك بەردٸ. تەرگەۋ جالعاسۋدا", - دەدٸ مارات احمەتجانوۆ.
ونىڭ ايتۋىنشا, رەسپۋبليكانىڭ بارلىق دەرلٸك ٶڭٸرٸندە اۋىل شارۋاشىلىعىنداعى سۋبسيدييالاردى جىمقىرۋعا قاتىستى قىلمىستىق ٸس قوزعالعان.
"بٸز تەك تەرگەۋگە عانا ەمەس, سىبايلاس جەمقورلىق سىن-قاتەرٸ مەن ونى تۋدىراتىن جاعدايلارعا تالداۋ جٷرگٸزۋگە دە ٷلكەن مەن بەرەمٸز. بۇل سىبايلاس جەمقورلىق قىلمىستارى نە سەبەپتٸ جاسالدى? نەلٸكتەن قازٸرگٸ جٷيە وعان توسقاۋىل بولا المادى? دەگەن ساۋالدارعا جاۋاپ ٸزدەيمٸز. سوندىقتان سوڭعى بەس جىلدا 960 قىلمىس تٸركەلدٸ, 460-تان استام ادام سوتتالدى دەسەك, وندا بٷتٸندەي بٸر جٷيەنٸ بۇزۋ قاجەتتٸلٸگٸ تۋرالى ويلاناتىن ۋاقىت جەتتٸ", - دەدٸ احمەتجانوۆ.
اگەنتتٸك باسشىسىنىڭ ايتۋىنشا, مۇنداي جاعدايلاردا جاۋاپكەرشٸلٸك ورتا بۋىن مەن قاتارداعى ماماندارعا جٷكتەلەدٸ جەنە اۋىل شارۋاشىلىعى تاۋارلارىن ٶندٸرۋشٸلەردٸڭ دە وسىنداي جاۋاپكەرشٸلٸكتٸڭ قۇربانىنا اينالۋى دا جيٸ كەزدەسەدٸ.
"62 ٸس ەمەس, ودان دا كٶپ قىلمىستىق ٸس تٸركەلۋٸ مٷمكٸن ەكەنٸن باسا اتاپ ٶتكٸم كەلەدٸ. سەبەبٸ بٸز سىبايلاس جەمقورلىق جٷيەسٸ مەن سحەماسىن انىقتادىق. بارلىق وبلىس بويىنشا تاپسىرما بەردٸك, ولار بٸرٸنەن كەيٸن بٸرٸ قىلمىستىق ٸستەردٸ تٸركەي باستادى. دۇرىس مەلٸمەت الا الماعان شارۋالاردىڭ زارداپ شەكپەۋٸ ماڭىزدى. اۋىل شارۋاشىلىعى تاۋارىن ٶندٸرۋشٸلەرگە قاتىستى قوزعالعان بٸرقاتار قىلمىستىق ٸس مەنٸڭ جەنە باس پروكۋروردىڭ كەلٸسٸمٸ بويىنشا توقتاتىلدى. ٶيتكەنٸ ولارعا راسىندا دا دۇرىس اقپارات جەتكٸزٸلمەگەن. سوندىقتان ولار وسى الاياقتار مەن جەمقور ازاماتتاردىڭ پايداسىنا جالعان اكتٸلەرگە قول قويعان", - دەدٸ تٶراعا.
