بيىل اگروٶنەركەسٸپ كەشەنٸندەگٸ جول كارتالارى اياسىندا 263 ملرد تەڭگە سوماسىنا 285 جوبانى ٸسكە اسىرۋ جوسپارلانعان. بۇل تۋرالى اۋىل شارۋاشىلىعى مينيسترٸ ەربول قاراشٶكەەۆ ايتتى, دەپ حابارلايدى قازاقپارات تٸلشٸسٸ.
«بەكٸتٸلگەن جول كارتالارىنا سەيكەس 2021 جىلعا 263 ملرد تەڭگە سوماسىنا جوسپارلانعان 285 جوبانىڭ ٸشٸنەن بيىلدىڭ 11 ايىنىڭ قورىتىندىسى بويىنشا 241 ملرد تەڭگە سوماسىنا 268 جوبا پايدالانۋعا بەرٸلدٸ. ەكٸمدٸكتەردٸڭ اقپاراتى بويىنشا وسى جىلدىڭ سوڭىنا دەيٸن 22 ملرد تەڭگە سوماسىنا 17 جوبانى ٸسكە اسىرۋ جوسپارلانىپ وتىر», - دەدٸ ە. قاراشٶكەەۆ ٷكٸمەت وتىرىسىندا.
ونىڭ ايتۋىنشا, ٸسكە اسىرىلعان جوبالار بويىنشا كٶش باسىندا سولتٷستٸك قازاقستان, قوستاناي, شىعىس قازاقستان, اقمولا, قاراعاندى وبلىستارى تۇر. سونداي-اق 2021 جىلعى ينۆەستيتسييالىق جوبالاردى ٸسكە اسىرۋ بويىنشا ورىندالۋ دەڭگەيٸ شامامەن 94 پايىزعا جەتتٸ.
«ينۆەستيتسييالىق جوبالاردىڭ باعىتتارى بويىنشا احۋال مىناداي بولىپ وتىر. 11 ايدىڭ قورىتىندىسى بويىنشا ٶسٸمدٸك شارۋاشىلىعى ٶنٸمدەرٸن ٶڭدەۋ سالاسىندا 34,3 ملرد تەڭگە سوماسىنا 27 جوبا, 7,5 ملرد تەڭگە سوماسىنا 6 ەت كومبيناتى, باقتار وتىرعىزۋ سالاسىندا 10,3 ملرد تەڭگە سوماسىنا 14 جوبا, ازىق-تٷلٸك ٶنٸمدەرٸن ٶندٸرۋ سالاسىندا 2,3 ملرد تەڭگە سوماسىنا 6 جوبا, تۇقىم شارۋاشىلىعى بويىنشا 1,7 ملرد تەڭگە سوماسىنا 4 جوبا, سونداي-اق 12,9 ملرد تەڭگە سوماسىنا 28 رەپرودۋكتور پايدالانۋعا بەرٸلدٸ. ٶڭٸرلەر ەكٸمدٸكتەرٸنٸڭ اقپاراتىنا سەيكەس جىل سوڭىنا دەيٸن 22 ملرد تەڭگە سوماسىنا 17 جوبانى ٸسكە اسىرۋ جوسپارلانىپ وتىر», - دەدٸ مينيستر.
