Biyl agroónerkásip keshenindegi jol kartalary aiasynda 263 mlrd teńge somasyna 285 jobany iske asyrý josparlanǵan. Bul týraly Aýyl sharýashylyǵy ministri Erbol Qarashókeev aitty, dep habarlaidy QazAqparat tilshisi.
«Bekitilgen Jol kartalaryna sáikes 2021 jylǵa 263 mlrd teńge somasyna josparlanǵan 285 jobanyń ishinen biyldyń 11 aiynyń qorytyndysy boiynsha 241 mlrd teńge somasyna 268 joba paidalanýǵa berildi. Ákimdikterdiń aqparaty boiynsha osy jyldyń sońyna deiin 22 mlrd teńge somasyna 17 jobany iske asyrý josparlanyp otyr», - dedi E. Qarashókeev Úkimet otyrysynda.
Onyń aitýynsha, iske asyrylǵan jobalar boiynsha kósh basynda Soltústik Qazaqstan, Qostanai, Shyǵys Qazaqstan, Aqmola, Qaraǵandy oblystary tur. Sondai-aq 2021 jylǵy investitsiialyq jobalardy iske asyrý boiynsha oryndalý deńgeii shamamen 94 paiyzǵa jetti.
«Investitsiialyq jobalardyń baǵyttary boiynsha ahýal mynadai bolyp otyr. 11 aidyń qorytyndysy boiynsha ósimdik sharýashylyǵy ónimderin óńdeý salasynda 34,3 mlrd teńge somasyna 27 joba, 7,5 mlrd teńge somasyna 6 et kombinaty, baqtar otyrǵyzý salasynda 10,3 mlrd teńge somasyna 14 joba, azyq-túlik ónimderin óndirý salasynda 2,3 mlrd teńge somasyna 6 joba, tuqym sharýashylyǵy boiynsha 1,7 mlrd teńge somasyna 4 joba, sondai-aq 12,9 mlrd teńge somasyna 28 reprodýktor paidalanýǵa berildi. Óńirler ákimdikteriniń aqparatyna sáikes jyl sońyna deiin 22 mlrd teńge somasyna 17 jobany iske asyrý josparlanyp otyr», - dedi ministr.
