جيگۋلي دايراباەۆ"اۋىل" پارتيياسىنان پرەزيدەنتتٸككە كانديدات رەتٸندە ۇسىنىلدى, - دەپ حابارلايدى "ۇلت اقپارات".
استانادا "اۋىل" حالىقتىق-دەموكراتييالىق پاتريوتتىق پارتيياسىنىڭ كەزەكتەن تىس XX سەزٸ ٶتتٸ. جينالىستا پارتييا مٷشەلەرٸ جيگۋلي دايراباەۆتىڭ الداعى پرەزيدەنتتٸك سايلاۋعا كانديدات رەتٸندە كانديداتۋراسىن قولدادى.
"قۇرمەتتٸ پارتييالاستارىم, سٸزدەردٸڭ سەنٸمدەرٸڭٸزدٸ اقتايمىن. بار كٷشٸمدٸ قازاقستاننىڭ جەنە اگروٶنەركەسٸپتٸك كەشەننٸڭ دامۋىنا سالامىن", - دەدٸ دايراباەۆ.
67 جاستاعى جيگۋلي مولداحالىقۇلى جامبىل وبلىسىنىڭ جالپاقساز اۋىلىندا دٷنيەگە كەلگەن. ەسكەردەن كەيٸن بٸر جىلداي قويشىنىڭ كٶمەكشٸسٸ, ودان كەيٸن كولحوزدا جٷرگٸزۋشٸ بولىپ جۇمىس ٸستەگەن.
ارتىنان پارتييالىق قىزمەتپەن اينالىسقان. لۋگوۆسكوي اۋدانىندا "كوممۋنيزمگە جول" كولحوزىندا كومسومول كوميتەتٸنٸڭ حاتشىسى, ينسترۋكتور, كەسٸپوداق تٶراعاسى بولدى. ال 1980 جىلى كامەنسكيي اۋىلىندا اتقارۋشى كوميتەتتٸڭ تٶراعاسى بولىپ تاعايىندالدى. بەس جىلدان كەيٸن قوي ٶسٸرەتٸن "العاباس" سوۆحوزىنا پارتييا كوميتەتٸنٸڭ حاتشىسى بولىپ باردى.
1987 جىلى جامبىل اتىنداعى كولحوزدى باسقارۋعا كٸرٸستٸ. ال 1995 جىلى قوراعاتى سوۆحوزىنىڭ ديرەكتورى بولىپ تاعايىندالدى. ەكٸ جىلدان كەيٸن تۇرار رىسقۇلوۆ اۋدانىنىڭ ستاتيستيكا باسقارماسىنىڭ باسشىسى بولىپ اۋىستى.
2000 جىلدان كەيٸن بيزنەسپەن اينالىستى, نان قابىلداۋ ورىندارىن باسقاردى. "MOLBAL" جشس باس ديرەكتورى بولدى. قازاقستان فەرمەرلەرٸ وداعىنىڭ وبلىستىق فيليالىنا جەتەكشٸلٸك ەتتٸ. ال 2019 جىلدان باستاپ ۇيىم باسشىسى قىزمەتٸنە سايلاندى. بيىل ماۋسىم ايىندا "اتامەكەن" ۇكپ اگروٶنەركەسٸپ كوميتەتٸنٸڭ تٶراعاسى بولىپ تاعايىندالدى.
ٷيلەنگەن, ٷش بالاسى مەن جەتٸ نەمەرەسٸ بار.
ەسكە سالايىق, قازاقستاندا كەزەكتەن تىس سايلاۋ بيىل 20 قازاندا ٶتەدٸ.
