الماتى وبلىسىنىڭ جامبىل اۋدانىنداعى ۇزىناعاش اۋىلى ورتا مەكتەبٸنٸڭ ماتەماتيكا پەنٸ مۇعالٸمٸ گٷلزييا قۇمانقانعا «بولاشاق» حالىقارالىق ستيپەنديياسى تاعايىندالدى, دەپ حابارلايدى قازاقپارات.
«حالىقارالىق باعدارلامالار ورتالىعى» اق باسپاسٶز قىزمەتٸنٸڭ مەلٸمەتتەرٸنە قاراعاندا, گٷلزييا اقش-تىڭ جەتەكشٸ جوعارى وقۋ ورنى – وڭتٷستٸك فلوريدا ۋنيۆەرسيتەتٸندە «ماتەماتيكالىق بٸلٸم بەرۋ» ماماندىعى بويىنشا ماگيستراتۋرادا وقيدى.
پەداگوگ ينتەرنەت جەلٸسٸندەگٸ ونلاين ساباقتار مەن دەرٸستەردٸڭ كٶمەگٸمەن اعىلشىن تٸلٸن باستاپقى دەڭگەيدەن جوعارى دەڭگەيگە دەيٸن مەڭگەردٸ. گٷلزييا شەت تٸلٸن كٷنٸنە 5-6 ساعات بويى وقىدى. وسىنىڭ ارقاسىندا ول IELTS ەمتيحانى بويىنشا 9 جوعارى بالدان 7 بالل جيناپ, اقش-تىڭ ەڭ بەدەلدٸ جوعارى وقۋ ورنىنا تٷستٸ.
«مەن اۋىلدان شىقپاي-اق, «بولاشاق» ستيپەنديياسىن تاعايىنداۋعا كونكۋرستىق ٸرٸكتەۋدەن سەتتٸ ٶتتٸم. قاراپايىم اۋىل مەكتەبٸندە وقىدىم, قازٸر سول اۋىل مەكتەبٸندە جۇمىس ٸستەيمٸن. ەلەمدەگٸ ەڭ ٷزدٸك ۋنيۆەرسيتەتتە وقۋعا مٷمكٸندٸگٸم بولاتىنىن تٸپتٸ ەلەستەتە دە المادىم. بٸلٸم مەن ٶزٸڭە دەگەن سەنٸم ەرقاشان قالاعان نەرسەڭە جەتۋگە كٶمەكتەسەتٸنٸنە سەنٸمدٸمٸن. شەكٸرتتەرٸم دە ەلەمدەگٸ ەڭ ٷزدٸك بٸلٸم العانىن قالايمىن. ولار مەنەن ٷلگٸ الىپ, شابىتتانادى دەپ ٷمٸتتەنەمٸن», - دەپ ەڭگٸمەلەدٸ گٷلزييا قۇرمانقان.
ەستەرٸڭٸزگە سالا كەتەيٸك, كادرلاردى شەتەلدە دايارلاۋ جٶنٸندەگٸ رەسپۋبليكالىق كوميسسييا شەشٸمٸمەن 2022 جىلعى العاشقى اعىنىندا ستيپەندييا 199 قازاقستاندىققا تاعايىندالدى. ولاردىڭ ٸشٸندە 29 ستيپەندييا پەداگوگتەر مەن وقىتۋشىلارعا تاعايىندالدى.
جالپى العاندا, بيىل ماگيستراتۋرا مەن رەزيدەنتۋرا باعدارلامالارىنا 385 ستيپەندييا, دوكتورانتۋرا باعدارلاماسىنا 60 ستيپەندييا بٶلٸندٸ.
وسى جىلدىڭ سوڭىنا دەيٸن رەسپۋبليكالىق كوميسسييانىڭ تاعى ەكٸ وتىرىسى ٶتەدٸ. «بولاشاق» حالىقارالىق ستيپەنديياسىن تاعايىنداۋعا كونكۋرستىق ٸرٸكتەۋگە قاتىسۋ ٷشٸن قۇجاتتار بيىلعى جىلعى 14 قازانعا دەيٸن قابىلدانادى. تاعىلىمدامادان ٶتۋ ٷشٸن قۇجاتتار قابىلداۋ 2022 جىلعى 5 قىركٷيەكتە باستالىپ, 14 قازانعا دەيٸن ٶتەدٸ.
