كوروناۆيرۋستىڭ ەكٸنشٸ تولقىنىندا اۋىل تۇرعىندارى قىسىلتاياڭ جاعدايعا تاپ بولادى. بۇل تۋرالى «اۋىل» حالىقتىق-دەموكراتييالىق پاتريوتتىق پارتيياسى ورتالىق اپپاراتىنىڭ جەتەكشٸسٸ قۋانىش سەيٸتجانوۆ ايتتى, دەپ حابارلايدى قازاقپارات.
«جالپى, ەپيدەميولوگييالىق زاڭدىلىققا سەيكەس, ٸندەت قالاعا قاراعاندا اۋىلدا كٶپ تاراماۋى تيٸس. ٶيتكەنٸ, اۋىلدا حالىق تىعىز قونىستانباعان, ٷلكەن عيماراتتار, ٷلكەن ٶندٸرٸس نىساندارى جوق. بٸراق, بٸزدە كەرٸسٸنشە جاعداي ورىن الدى. ۆولونتەرلەرٸمٸز بەن بەلسەندٸلەرٸمٸزدٸڭ بايقاۋىنشا, اۋىلدىق جەرلەردە كٶبٸنە تۇرعىندارى ۆاحتالىق ەدٸسپەن ٷلكەن ٶندٸرٸس ورىندارىنا بارىپ جۇمىس ٸستەيتٸن اۋىلداردا كوروناۆيرۋس ٸندەتٸ ٶرشٸپ كەتكەن. سوندىقتان قازٸردەن باستاپ وسى ٷلكەن ٶندٸرٸس ورىندارىندا, قۇرىلىس كومپانييالارىندا سانيتارلىق باقىلاۋ مەن الدىن الۋ شارالارىن كٷشەيتپەسەك, وندا كٷزدە بولادى-اۋ دەگەن كوروناۆيرۋس ٸندەتٸنٸڭ ەكٸنشٸ تولقىنىندا اۋىل تۇرعىندارى قىسىلتاياڭ جاعدايعا تاپ بولادى», - دەيدٸ قۋانىش سەيٸتجانوۆ.
ونىڭ اتاپ ٶتۋٸنشە, كوروناۆيرۋس ٸندەتٸنٸڭ بٸرٸنشٸ تولقىنى كەزٸندە اۋىلداعى اعايىن ٶز قوتىرىن ٶزٸ قاسىپ, شاراسىزدىقتان ەم-دومدى ٷيدە الۋعا مەجبٷر بولدى. سونىمەن قاتار كٷزگٸ وراق كەزٸندە استىق باستىرۋ جۇمىسىنا جۇمىلدىرىلعان جۇمىسشىلاردىڭ اۋىرىپ قالعان جاعدايلارى كەزدەسەدٸ. مۇنىڭ دا الدىن الۋ قاجەت.
«ەيتپەسە, كەلەر جىلى نانسىز قالۋىمىز مٷمكٸن. اۋىل - مەملەكەتٸمٸزدٸڭ ازىق-تٷلٸك قاۋٸپسٸزدٸگٸنٸڭ كەپٸلٸ. سوندىقتان قازٸردەن باستاپ بۇل مەسەلەلەردٸ ٶتكٸر قوزعاپ, تيٸستٸ جەرلەرگە جەتكٸزۋٸمٸز قاجەت. ەلٸمٸزدٸڭ 14 ٶڭٸرٸندەگٸ 200-گە جۋىق اۋىلعا جٷرگٸزگەن مونيتورينگٸمٸزدٸڭ نەگٸزٸندە ٷكٸمەتكە ۇسىنىس جاسايمىز. ەڭ الدىمەن بۇل ۇسىنىستا اۋىلداردا جابىلىپ قالعان اۋرۋحانالار, امبۋلاتورييالار, فەلدشەرلٸك-اكۋشەرلٸك پۋنكتەردٸ مەملەكەت ەسەبٸنەن قايتادان اشۋعا باسا مەن بەرەمٸز. ول - كەزەك كٷتتٸرمەيتٸن مەسەلە. وسى جىلدان باستاپ كٸرٸسٸپ, بۇرىن قالىپ قويعان عيماراتتاردى قالپىنا كەلتٸرۋ قاجەت. تٸپتٸ, قازٸردەن باستاپ كەي اۋىلداردا اۋرۋحانا قۇرىلىسىنا كٸرٸسكەن جٶن. ٶيتكەنٸ, 2-3 مىڭ تۇرعىنى بار اۋىلداردا جالعىز فەلدشەر نە بٸتٸرەدٸ?», - دەيدٸ پارتييانىڭ اپپارات جەتەكشٸسٸ.
سونىمەن قاتار ول كوروناۆيرۋس ٸندەتٸن جۇقتىرىپ العان اۋىل تۇرعىندارى پتر-تەستٸلەۋدەن دە ٶتە المايتىنىن ايتتى.
«پتر-تەست نەگٸزٸنەن ٷلكەن اۋدان ورتالىقتارىنداعى پروۆيزورلىق اۋرۋحانالاردا بولعان. بٸراق بەرٸندە بٸردەي بار دەپ ايتا المايمىز. سوندىقتان پتر-تەستٸلەۋ اياسىن اۋىلدارعا دەيٸن كەڭەيتۋ قاجەت. ٶيتكەنٸ, اۋىل حالقى ٶزٸن-ٶزٸ ەمدەپ وتىرعاندىعىن جاسىرماي ايتۋىمىز كەرەك. ولاردىڭ مەديتسينالىق قىزمەتكە جٷگٸنەرلٸك جاعدايى بولعان جوق. اۋدان ورتالىعىنان 300-400 شاقىرىم شالعايدا جاتقان اۋىل تۇرعىندارىنىڭ ورتالىققا بارۋعا جاعدايى دا كەلگەن ەمەس. سوندىقتان كٶبٸ ٷيدە ەمدەلدٸ. سوندىقتان بولادى-اۋ دەپ وتىرعان كوروناۆيرۋس ٸندەتٸنٸڭ ەكٸنشٸ تولقىنى كەزٸندە جىلجىمالى مەديتسينالىق كٶمەك قىزمەتٸن جولعا قويىپ, وندا پتر-تەست ٶتكٸزە الاتىنداي جاعداي جاساۋ قاجەت», - دەدٸ ول.
