اۋىل ەكٸمٸن سايلاۋ يدەياسىن دەۆالۆاتسيياعا ۇشىراتىپ الماۋىمىز كەرەك. بۇل تۋرالى قر پارلامەنتٸ مەجٸلٸسٸنٸڭ دەپۋتاتى ايدوس سارىم ايتتى, دەپ حابارلايدى قازاقپارات.
«تاعايىندالعان ەكٸم مەن سايلانعان ەكٸمنٸڭ اراسى جەر مەن كٶكتەي. تاعايىندالاتىن ەكٸمدٸ اۋدان ەكٸمٸنٸڭ ۇسىنىسىمەن مەسليحات بەكٸتە سالادى. ياعني, ونىڭ سايلانۋىنا 14-15 ادام سەپ بولدى دەگەن سٶز. ال سايلانعان ەكٸم ەڭسەلٸ جٷرەدٸ. جالپى وسى ورايدا ەكٸ مەسەلەنٸ قامتاماسىز ەتكەن جٶن سيياقتى. بٸرٸنشٸ - زاڭنامادا دۇرىس ادامداردىڭ سايلانۋىنا مٷمكٸندٸك بەرۋ. ەكٸنشٸ – قاراپايىم ادامنان ەكٸمگە اينالعان تۇلعالارعا بيۋدجەتتٸك قاتىناستار, مەملەكەتتٸك ساتىپ الۋلار, سالىق مەسەلەلەرٸنە قاتىستى سەمينارلار ٶتكٸزۋ», - دەدٸ مەجٸلٸس دەپۋتاتى سىبايلاس جەمقورلىققا قارسى ٸس-قيمىل اگەنتتٸگٸنٸڭ باسپاسٶز قىزمەتٸ الاڭىندا ٶتكەن بريفينگٸدە.
ونىڭ اتاپ ٶتۋٸنشە, اۋىل, اۋدان, وبلىس ەكٸمدەرٸن سايلاۋ ٶتە ٷلكەن يدەيا, حالىق پەن بيلٸكتٸڭ اراسىن جامايتىن ٷلكەن دٷنيە سانالادى.
«سول يدەيانى دەۆالۆاتسيياعا ۇشىراتىپ الماۋىمىز كەرەك. مىسالى, ەرتەڭ ەكٸمدەر سايلانعاننان كەيٸن قولىندا دىم جوق بولسا, 1-2 جىل جٷرەدٸ دە, ٶتٸنٸشٸن جازىپ تاستاپ كەتە بەرەدٸ. تاعى سايلايدى, باسقا كەلەدٸ نەمەسە حالىقتىڭ ٶزٸ العاشقى كەزدە پوپۋليستەرگە, ەكٸنشٸ كەزەكتە تۋعان-تۋىسىنا, رۋلاسىنا داۋىس بەرەدٸ. سٶيتٸپ, اۋىلدىڭ تىنىس-تٸرشٸلٸگٸ بۇرىعىدان بەتەر ناشارلاپ كەتەتٸن بولسا, وندا يدەيا جوققا شىقتى دەگەن سٶز. ياعني, قوعام تاراپىنان دا, سايلاۋعا قاتىساتىن پارتييالار مەن بەلسەندٸ توپتاردىڭ دا جاۋاپكەرشٸلٸگٸ قاجەت», - دەدٸ ايدوس سارىم.
مەجٸلٸس دەپۋتاتى ەلدٸ مەكەندەردە اۋىلدىق كەڭەستەردٸ قايتا جاڭعىرتۋ قاجەتتٸگٸن ايتادى.
«اۋدان ەكٸمٸ قابىلداعان شەشٸمدەردٸ اۋىلدىق كەڭەستٸڭ 5-7 ادامى بەكٸتٸپ وتىرسا - دۇرىس بولار ەدٸ. سوندا اۋىل ەكٸمٸ «شەشٸمٸم نەگٸزدەلگەن, قوعامنىڭ تالقىسىنان ٶتكەن, ٶكٸلەتتٸ ورگان بەكٸتٸپ بەرگەن» دەپ قورىقپاي جۇمىس ٸستەيتٸن ەدٸ. ال قازٸر ەكٸمدٸ بٷكٸل حالىقپەن جالعىز قالدىرۋ نەمەسە بٷكٸل بيۋروكراتييالىق ماشيناعا قارسى قويۋ - قييانات بولار. اۋىل ەكٸمدەرٸن سايلاۋ تاريحي, ساياسي ٷلكەن ماڭىزى بار, قازاقستانداعى ٶزٸن-ٶزٸ باسقارۋ جٷيەسٸن دامىتۋعا ٷلەس قوسار دٷنيە دەيتٸن بولساق, وندا وعان جان-جاقتان تٸرەۋ بولىپ, كٶمەكتەسۋٸمٸز قاجەت», - دەدٸ ول.
