اۋىل ەكٸمدەرٸنٸڭ تٸكەلەي سايلاۋىن ٶتكٸزۋگە بولادى دەپ ويلايمىن. بۇل تۋرالى مەملەكەت باسشىسى قاسىم-جومارت توقاەۆ پارلامەنت پالاتالارىنىڭ بٸرلەسكەن وتىرىسىندا قازاقستان حالقىنا جىل سايىنعى دەستٷرلٸ جولداۋىندا مەلٸم ەتتٸ, دەپ حابارلايدى قازاقپارات.
«مەملەكەتتٸك بيلٸكتٸڭ بارلىق دەرلٸك ينستيتۋتتارىن رەفورمالاۋ كەرەك. جاڭعىرتۋدىڭ نەگٸزگٸ ماقساتى - تۇتاس مەملەكەتتٸڭ تيٸمدٸلٸگٸن ارتتىرۋ. ەگەر ازاماتتارىمىزدىڭ ەل-اۋقاتىن شىن مەنٸندە جاقسارتقىمىز كەلسە, ولاردىڭ ٶزدەرٸن وسى ٸسكە بەلسەندٸ تٷردە تارتقان جٶن. الداعى ساياسي رەفورمالاردىڭ بارلىعى حالىقتى مەملەكەت باسقارۋ ٸسٸنە كەڭٸنەن قاتىستىرۋعا باعىتتالۋى كەرەك. مىسالى, قوعامدىق پٸكٸر ساۋالنامالارى اۋىل ەكٸمدەرٸنٸڭ سايلاۋ ارقىلى قىزمەتكە كەلۋٸنە قاتىستى سۇرانىستىڭ ارتقانىن كٶرسەتٸپ وتىر. بۇل ماڭىزدى قادامدى جان-جاقتى ويلاستىرىپ, دەيەكتٸ تٷردە جٷزەگە اسىرعان جٶن», - دەدٸ پرەزيدەنت.
مەملەكەت باسشىسىنىڭ ايتۋىنشا, مۇنداي جٷيەنٸڭ قالاي جۇمىس ٸستەيتٸنٸن ناقتى بٸلۋ كەرەك. الايدا, بۇل مەسەلەنٸڭ شەشٸمٸن كەيٸنگە قالدىرۋعا بولمايدى.
«كەلەسٸ جىلى بٸرقاتار اۋىلدىق وكرۋگ ەكٸمدەرٸنٸڭ ٶكٸلەتتٸك مەرزٸمٸ اياقتالادى. اۋىل ەكٸمدەرٸنٸڭ تٸكەلەي سايلاۋىن ٶتكٸزۋگە بولادى دەپ ويلايمىن. جەرگٸلٸكتٸ بيلٸك ٶكٸلدەرٸنٸڭ سايلانبالى بولۋىمەن قاتار, مەملەكەتتٸك باسقارۋ دەڭگەيلەرٸ اراسىنداعى قۇزىرەتتەردٸ بٶلۋ جەنە جەرگٸلٸكتٸ ٶزٸن-ٶزٸ باسقارۋ ٸسٸن ايقىنداپ الۋىمىز قاجەت», - دەدٸ ق. توقاەۆ.
