اۋتسورسينگ پەن اۋتستاففينگ. بۇلاردىڭ نە ەكەنٸن قازاقستاندىقتار بٸلە بەرمەيدٸ. بٸراق ولار بٸزدٸڭ ٶمٸرٸمٸزگە ەتەنە ەنٸپ العان ەكەن. جۋىردا مەجٸلٸس دەپۋتاتى ايقىن قوڭىروۆتىڭ پرەمەر-مينيستر باقىتجان ساعىنتاەۆتىڭ اتىنا جولداعان ساۋالىنان سونى بٸلدٸك. بۇلار جالدامالى جۇمىسقا الۋدىڭ ەدٸستەرٸ كٶرٸنەدٸ.
بۇل سٶزدەردٸڭ ەكەۋٸندە دە «اۋت» دەگەن سٶز بار. ال اۋتتىڭ «سىرتتا», «ويىننان تىس» دەگەن ماعىنا بەرەتٸنٸن بٸلەمٸز. دەمەك وسىنداي ەدٸستەرمەن جۇمىسقا تۇراتىندار قازاقستان رەسپۋبليكاسىنىڭ ەڭبەك شارتى مەن ەلەۋمەتتٸك كەپٸلدٸكتەرٸن كٶزدەيتٸن زاڭدارىنان تىس بولعاندىقتان, ولاردى قولدانا المايدى دەگەن سٶز.
دەپۋتاتتىڭ ايتۋىنا قاراعاندا, بٸزدٸڭ ەڭبەك سالاسىن باقىلايتىن ۆەدومستۆومىز ٶزٸن ٶزٸ قامتاماسىز ەتەتٸندەر 2011 جىلدان بەرٸ 600 مىڭعا ازايدى, ال جالدامالىلاردىڭ سانى 1 ملن. 100-عا ارتتى دەپ قۋانا جار سالعان ەكەن. قۋاناتىن سەبەبٸ – جالدامالى جۇمىسكەرلەر تابىسىن جاسىرا المايدى, مەملەكەتكە سالىقتى ۋاقتىلى تٶلەپ تۇرادى. بٸراق از ۋاقىتتا مۇنشالىق كٶپ ادامنىڭ اۋىسۋىنىڭ قانداي سىرى بار دەگەنگە ەشكٸم مەن بەرمەپتٸ. سٶيتسەك, ٶزٸن ٶزٸ قامتيتىن جۇرت نەگٸزٸنەن اۋىلشارۋاشىلىعىندا ازايىپ, 2011 جىلدان بەرٸ 1 ميلليوننان ارتىق ادامعا قىسقارىپتى. بۇل - شاعىن جەرٸ, ازداعان مالى, شاعىن كەسٸبٸ بار, قولى قىسقالاۋ فەرمەرلەر ازايىپ, ٷلكەندەرگە سٸڭٸپ كەتكەن دەگەن سٶز. بۇل دا جاقسى ەمەس, ٶيتكەنٸ مۇندايدا اۋىلشارۋاشىلىعى ٶنٸمٸندە بەسەكەلەستٸك بولمايدى. حالىق كورپوراتسييالاردىڭ ٶنٸمٸن عانا الۋعا مەجبٷر بولادى. ال ازۋىن ايعا بٸلەگەن امەريكا سەكٸلدٸ ەلدەر كەرٸسٸنشە شاعىن فەرمەرلەردٸ قولدايدى.
ال ەندٸ وسى اۋىلشارۋاشىلىعىنان كەتكەن ادامدار قايدا كٸردٸ دەسەك, ولار اۋتسورسينگ جەنە اۋتستاففينگ ەدٸستەرٸمەن جۇمىستارعا جالدانادى ەكەن. وسى ەدٸستەرمەن ۋاقىتشا عانا جالدانىپ, جوعارىدا اتالعان زاڭمەن بەكٸتٸلگەن كەپٸلدٸكتەرگە قول جەتكٸزە المايتىندار وسىندايلار. بۇلاردى جالداۋ بيزنەسكە تيٸمدٸ, ٶيتكەنٸ سىياقى بەرمەيدٸ, ەڭبەك دەمالىسىن سۇراتپايدى, اۋىرىپ قالسا تٶلەماقى تٶلەمەيدٸ جەنە ت.ت. بيزنەس تٸپتٸ ٶزٸنٸڭ تۇراقتى جۇمىس ٸستەيتٸن پەرسونالىنىڭ بٸرازىن وسى ەدٸسپەن جالداۋعا شىعارا باستاپتى.
دەپۋتات ا.قوڭىروۆ وسى مەسەلەنٸ كٶتەرٸپ, اتالمىش ەدٸستەرمەن جالداناتىنداردىڭ ەلەۋمەتتٸك كەپٸلدٸكتەرٸ مەن ەڭبەك شارتىنداعى قۇقىلارىن قورعاۋعا نازار اۋدارىپ وتىر. جوعارىدا اتالعان ساۋالىندا ا.قوڭىروۆ ٶزٸ باستاعان مەجٸلٸستەگٸ حالىقتىق كومپارتييا فراكتسيياسىنىڭ مٷشەلەرٸن تەگٸس قول قويدىرىپ, پرەمەر-مينيستردەن وسى ادامداردى ەسەپكە الۋدى جەنە ولاردىڭ قۇقىن قورعاۋدى تالاپ ەتكەن.
س.ەلەۋ, ساراپشى
