جٷزۋدەن اۋسترالييا قۇراماسى 2012 جىلى لوندوندا ٶتكەن وليمپيادادا 4ح100 مەترلٸك ەستافەتا بويىنشا يەلەنگەن قولا مەدالدارىنان ايىرىلۋى مٷمكٸن. وعان جٷزۋشٸ برەنتون ريكاردتىڭ دوپينگ-تەستٸ وڭ نەتيجە كٶرسەتكەنٸ سەبەپ بولىپ تۇر, دەپ حابارلايدى The Sydney Morning Herald باسىلىمى.
سپورتشىنىڭ سەگٸز جىل بۇرىن تاپسىرعان تالداۋىن قايتا تەكسەرۋ كەزٸندە ونىڭ تىيىم سالىنعان فۋروسەميد نەسەپ ايداۋ پرەپاراتىن پايدالانعانى بەلگٸلٸ بولدى. قۇرامىندا دجەيمس ماگنۋسسەن, كريستيان شپرەنگەر, حايدەن شتوكەل, مەتت تارگەتت, تومماس د'ورسوني جەنە ريكارد بار اۋسترالييانىڭ ەرلەر قۇراماسى مەدالدارىنان ايىرىلۋى مٷمكٸن.
ەستافەتادا اقش قۇراماسى جەڭٸسكە جەتٸپ, ەكٸنشٸ ورىندى جاپونييا كومانداسى يەلەنگەن بولاتىن. تٶرتٸنشٸ ورىندى ۇلىبريتانييا قۇراماسى ەنشٸلەگەن.
دٷنيەجٷزٸلٸك انتيدوپينگ اگەنتتٸگٸ (WADA) 2015 جىلى انتيدوپينگ ەرەجەلەرٸن بۇزعانى ٷشٸن جازالاۋ مەرزٸمٸن سەگٸز جىلدان ون جىلعا ۇزارتقان بولاتىن.
