قازاقستاننىڭ بٸرٸنشٸ, ەلەمنٸڭ 12-راكەتكاسى ەلەنا رىباكينا اۋسترالييا اشىق چەمپيوناتىنىڭ ەكٸنشٸ اينالىمىنا شىقتى, دەپ حابارلايدى قازاقپارات.
ە.رىباكينا باستاپقى كەزدەسۋٸن وتانداسى, رەيتينگتە 104-ورىندا تۇرعان زارينا ديياسپەن ٶتكٸزدٸ.
بٸرٸنشٸ پارتييادا ەلەنا برەيكپەن العا كەتتٸ – 4:1. دەگەنمەن زارينا ٸزٸنشە قايىرا برەيك جاساپ, تارازى باسىن تەڭەستٸردٸ – 3:4. تاي-برەيكتە ز.ديياس سەتتٸرەك وينادى – 7:6 (7:3).
ە.رىباكينا ەكٸنشٸ سەتتٸ برەيكپەن باستاعانىمەن, زارينا قايتا تەڭەستٸردٸ – 2:2. ەسەپ 5:4 بولىپ, ز.ديياس العا شىققاندا, ەلەنا مەديتسينالىق كٶمەككە جٷگٸندٸ. زارينا ماتچبولدى پايدالانا الماسا, تاي-برەيكتە ە.رىباكينا باسىمدىلىق كٶرسەتتٸ – 7:6 (7:3).
ٷشٸنشٸ, شەشۋشٸ پارتييادا قازاقستاننىڭ بٸرٸنشٸ راكەتكاسى 3:0 ەسەبٸمەن العا كەتتٸ. تاعى بٸر برەيك – 5:1.
ەلەنا 2 ساعات 35 مينۋتقا سوزىلعان تارتىستى ماتچتا 9 ەيس جاساپ, 12 برەيك-پوينتتىڭ تٶرتەۋٸن پايدالاندى. زارينا ەيس جاساماي, 2 برەيكپەن (10 برەيك-پوينت) شەكتەلدٸ.
ە.رىباكينا ەكٸنشٸ اينالىمدا ەلەمنٸڭ 40-راكەتكاسى, شۆەيتسارييالىق ۆيكتورييا گولۋبيچ نەمەسە رەيتينگتە 74- ساتىداعى قىتايلىق چجان شۋايدىڭ بٸرەۋٸمەن كەزدەسەدٸ.
وسىلايشا اۋسترالييا اشىق چەمپيوناتىندا قازاقستاننان جەكەلەي سىندا الەكساندر بۋبليك پەن ەلەنا رىباكينا قالدى.
