فوتو: اشىق دەرەككٶز
قازاقستاندىق 17 جاستاعى تەننيسشٸ زاڭعار نۇرلانۇلى Australian Open تۋرنيرٸنٸڭ جاسٶسپٸرٸمدەر ساناتىندا سەتتٸ ٶنەر كٶرسەتٸپ, جارتىلاي فينالعا جولداما الدى, دەپ حابارلايدى Ult.kz.
شيرەك فينالدا ول گونكونگ ٶكٸلٸ كاي تومپسونمەن كەزدەسٸپ, تارتىستى ٶتكەن ٷش سەت نەتيجەسٸندە جەڭٸسكە جەتتٸ — 3:6, 7:6 (7:4), 6:4.
جارتىلاي فينالعا شىعۋ جولىنداعى ماتچ زاڭعار ٷشٸن اسا اۋىر بولدى. ٷش ساعاتقا جۋىق ۋاقىتقا سوزىلعان كەزدەسۋدٸڭ شەشۋشٸ سەتٸندە سپورتشىنىڭ اياعىنىڭ بۇلشىق ەتٸ قۇرىسىپ, مەديتسينالىق كٶمەكتٸڭ كٶمەگٸنە جٷگٸنۋگە تۋرا كەلدٸ. سوعان قاراماستان, نۇرلانۇلى ماتچتى ٶز پايداسىنا اياقتاي بٸلدٸ.
ايتا كەتەيٸك, جاس تەننيسشٸ بۇعان دەيٸن دە ٸرٸ جارىستاردا جوعارى نەتيجە كٶرسەتكەن. ٶتكەن جىلى ول US Open تۋرنيرٸنٸڭ جاسٶسپٸرٸمدەر اراسىنداعى سايىسىندا دا جارتىلاي فينالعا دەيٸن جەتكەن ەدٸ.
تٷركٸستان وبلىسىنىڭ تۋماسى سوڭعى بٸر جىل ٸشٸندە جوعارى دەڭگەيدەگٸ جاسٶسپٸرٸمدەر تۋرنيرلەرٸنە تۇراقتى قاتىسىپ كەلەدٸ. قىركٷيەك ايىندا ٶتكەن US Open جارتىلاي فينالىندا ول جاسٶسپٸرٸمدەر اراسىنداعى ەلەمنٸڭ بٸرٸنشٸ راكەتكاسى, بولگارييالىق يۆان يۆانوۆقا جول بەردٸ.
قازٸرگٸ تاڭدا زاڭعار نۇرلانۇلى مەلبۋرندە چەمپيوندىققا بٸر تابان جاقىن. بۇعان دەيٸن ول تايلاندتىق كۋنانان پانتاراتورندى ەكٸ سەتتە — 6:2, 6:1 ەسەبٸمەن جەڭٸپ, كەيٸن 15 جاستاعى اۆسترالييالىق تايكا تاكيزاۆامەن ٶتكەن كەزدەسۋدە ٷش سەتتە باسىم تٷستٸ — 7:5, 1:6, 6:3.
ەسكە سالا كەتسەك, قازٸرگٸ ۋاقىتتا Australian Open تۋرنيرٸندە قازاقستان اتىنان ٷش تەننيسشٸ ٶنەرٸن جالعاستىرىپ جاتىر. زاڭعار نۇرلانۇلىمەن قاتار, ەيەلدەر اراسىندا ەلەنا رىباكينا فينالدا بەلارۋس ٶكٸلٸ ارينا سوبولەنكومەن كورتقا شىعادى. ال اننا دانيلينا سەربييالىق الەكساندرا كرۋنيچپەن جۇپتىق سايىستىڭ فينالىندا باق سىنايدى.
بارلىق ٷش ماتچ تا سەنبٸ, 31 قاڭتار كٷنٸ ٶتەدٸ.
