اۋعانستان سايلاۋ كوميسسيياسى ەلدەگٸ پرەزيدەنت سايلاۋىنىڭ الدىن الا قورىتىندىسىن جارييالاپ, قازٸرگٸ ەل پرەزيدەنتٸ اشراف عانيدٸڭ 50,6 پايىزبەن جەڭٸسكە جەتكەنٸن مەلٸمدەدٸ. بۇل تۋرالى 22 جەلتوقساندا كابۋلدا ٶتكەن باسپاسٶز مەسليحاتىندا اۋعانستان سايلاۋ كوميسسيياسىنىڭ تٶرايىمى حاۆا الام نۇريستاني حابارلادى.
اۋعانستاندا پرەزيدەنت سايلاۋى 28 قىركٷيەكتە ٶتكەن. سودان بەرٸ داۋىس ساناۋ تٷرلٸ كەدەرگٸگە تاپ بولىپ كەلگەن.
نۇريستانيدٸڭ سٶزٸنشە, عانيدٸڭ باستى قارسىلاسى ابدۋللاح ابدۋللاح 39,5 پايىز داۋىس العان.
سايلاۋ كوميسسيياسى قاراشادا داۋىس نەتيجەسٸن قايتا ساناۋعا كٸرٸسكەندە ابدۋللاح قارسى بولىپ, باقىلاۋشىلارىن قاتىستىرمايتىنىن ايتقان. قاراشادا كابۋلدا ابدۋللاح جاقتاستارى نارازىلىق شاراسىن ٶتكٸزٸپ, داۋىستى قايتا ساناۋعا قارسى شىققان. ونىڭ جاقتاستارى سايلاۋ كوميسسيياسى عانيگە جاقتاسادى دەپ سانايدى.
