اۋعانستاننىڭ شىعىسىندا ماگنيتۋداسى 6,1 جەر سٸلكٸنٸسٸ بولدى. سونىڭ نەتيجەسٸندە كەم دەگەندە 920 ادام قازا تاۋىپ, كەمٸ 600 ادام جارالانعان, دەپ حابارلايدى ازاتتىقتىڭ اۋعان قىزمەتٸ "تاليبان" ٷكٸمەتٸنە سٸلتەمە جاساپ.
اقش گەولوگييا قىزمەتٸنٸڭ حابارىنا قاراعاندا, 22 ماۋسىم تاڭەرتەڭ بولعان جەر سٸلكٸنٸسٸنٸڭ وشاعى — اۋعانستان استاناسى كابۋلدىڭ وڭتٷستٸك جاعى, پەكٸستانمەن شەكاراداعى حوست قالاسىنىڭ ماڭى.
ەۋروپا جەرورتا تەڭٸزٸ سەيسمولوگييا ورتالىعىنىڭ اقپاراتىنا قاراعاندا, جەر سٸلكٸنٸسٸ وشاعىنان 200 شاقىرىمداعى كابۋل قالاسىندا دا سٸلكٸنٸس قاتتى بايقالىپ, دٷمپۋ قايتالانعان. جەر دٷمپۋٸن حوستتان 300 شاقىرىمداعى پەكٸستاننىڭ استاناسى يسلاماباد قالاسى دا سەزگەن.
پەكٸستاننىڭ مەتەورولوگيييا قىزمەتٸ جەر سٸلكٸنٸسٸنٸڭ ماگنيتۋداسىن 6,1 دەپ باعالاعان.
