اۋعانستاندا تاماقتى تويىپ ٸشپەيتٸندەر سانى رەكوردتىق كٶرسەتكٸشكە جەتتٸ, دەپ حابارلايدى قازاقپارات بۇۇ جاڭالىقتار قىزمەتٸنە سٸلتەمە جاساپ.
قاقتىعىستار, ەكونوميكالىق كٷيزەلٸستەر, تابيعي اپاتتار, ساياسي تۇراقسىزدىق, سونداي-اق گۋمانيتارلىق كٶمەك جەتكٸزۋدەگٸ قيىندىقتار پلانەتانىڭ ەرتٷرلٸ نٷكتەلەرٸندەگٸ ازىق-تٷلٸك داعدارىسىن كٷشەيتۋدە. بۇۇ مەكەمەلەرٸ ولاردىڭ 20-ىن انىقتادى.
دٷنيەجٷزٸلٸك ازىق-تٷلٸك باعدارلاماسى (داب) مەن ازىق-تٷلٸك جەنە اۋىل شارۋاشىلىعى ۇيىمى (ااۇ) دايىنداعان بايانداما اۆتورلارى ەفيوپييا, نيگەرييا, وڭتٷستٸك سۋدان جەنە يەمەن ەلدەرٸندەگٸ جاعدايعا الاڭداۋشىلىق تانىتقان. وسى تٶرت ەلدٸڭ تۇرعىندارى بەسٸنشٸ دەڭگەيدەگٸ ازىق-تٷلٸك داعدارىسىن باستان ٶتكەرۋدە. بۇل دەگەنٸمٸز ولاردىڭ باسىم بٶلٸگٸ اشتىقتان كٶز جۇمۋى مٷمكٸن.
زەرتتەۋ اشارشىلىق پەن قاقتىعىستىڭ بايلانىسىن تاعى بٸر رەت دەلەلدەدٸ. اشارشىلىق الدىندا تۇرعان ادامدار - ەسكەري قاقتىعىستار سالدارىنان ٶز ٷيلەرٸن تاستاپ كەتۋگە مەجبٷر بولعاندار. ولار باسپاناسىز, جالاقىسىز قالعاندار.
ازىق-تٷلٸككە بايلانىستى جاعداي ناشارلاپ جاتقان ەلدەر قاتارىندا ميانما, ورتالىق افريكا رەسپۋبليكاسى, كونگو دەموكراتييالىق رەسپۋبليكاسى, سومالي جەنە باسقالار.
سونىمەن قاتار, گايتي, شىعىس افريكا, ماداگاسكار, موزامبيك, اۋعانستاننىڭ باتىس اۋداندارىنىڭ تۇرعىندارىنا كليماتتىڭ ٶزگەرۋٸنە بايلانىستى ازىق-تٷلٸك جەتپەي جاتىر.
پاندەمييا مەن ونىڭ ەكونوميكالىق زاردابى جاعدايدى قيىنداتۋدا: 2020 جىلدىڭ مامىرىنان باستاپ ازىق-تٷلٸك باعاسى قىمباتتاپ جاتىر, ەسٸرەسە تاياۋ شىعىس, سولتٷستٸك افريكا, ورتالىق جەنە شىعىس ازييادا قاتتى سەزٸلۋدە.
بايانداما اۆتورلارىنىڭ مەلٸمەتٸنشە, اۋعانستاندا تاماقتى تويىپ ٸشپەيتٸندەر سانى رەكوردتىق كٶرسەتكٸشكە جەتٸپ, 22,8 ملن ادامدى قۇراعان. ساراپشىلار شارا قولدانباسا وسى ەل تۇرعىندارى اشارشىلىقتان قىرىلۋى مٷمكٸن دەپ بولجاپ وتىر.
