پرەزيدەنت اشراف عاني كەزٸندە اۋعانستان ورتالىق بانكٸن باسقارعان اجمال احمادي تەلٸپتەر بيلٸگٸ ەلەۋلٸ ەكونوميكالىق قيىندىققا كەزٸگەدٸ دەپ سانايدى.
22 تامىزدا Bloomberg اگەنتتٸگٸنٸڭ Odd Lots پودكاستىنداعى ەڭگٸمە كەزٸندە احمادي الداعى ۋاقىتتا ۇلتتىق ۆاليۋتا ەلسٸرەپ, ينفلياتسييا كٷشەيەدٸ, يمپورت قىمباتتاپ, كاپيتال قوزعالىسىن باقىلاۋ شارالارى ەلسٸرەيدٸ دەگەن بولجام ايتتى.
احماديدىڭ سٶزٸنشە, اقش اۋعانستان ورتالىق بانكٸنٸڭ 9,4 ميلليارد دوللارعا باعالاناتىن ۆاليۋتا رەزەرۆٸنٸڭ ٷلكەن بٶلٸگٸن بۇعاتتادى, بۇل ونسىز دا زارداپ شەگٸپ وتىرعان اۋعانستان ەكونوميكاسىنىڭ جاندى جەرٸنە تيەدٸ.
مۇنان ٶزگە حالىقارالىق ۆاليۋتا قورى دا تەلٸپ ٷكٸمەتٸن حالىقارالىق كرەديتورلار رەسۋرسىنان ايىردى. ونىڭ ٸشٸندە اۋعانستانعا بيىل 23-تامىزدا بەرٸلۋٸ تيٸس جارتى ميلليارد دوللار دا بار.
COVID-19 ٸندەتٸ جايلاعان اۋعانستان قازٸردٸڭ ٶزٸندە قۋاڭشىلىقتىڭ زاردابىن تارتىپ وتىر. "جاعداي شىنىندا دا ٶتە اۋىر, بٸز بۇعان دەيٸن ٷش قاۋٸپپەن كٷرەسٸپ كەلسەك, وعان تٶرتٸنشٸسٸ قوسىلدى", – دەيدٸ احمادي.
دٷنيەجٷزٸلٸك بانك مەلٸمەتٸنە قاراعاندا, اۋعانستان – ەلەمدە مەملەكەتتٸك بيۋدجەتٸنٸڭ تٶرتتەن ٷشٸ شەتەل كٶمەگٸنەن قۇرالاتىن كەدەي ەلدەردٸڭ بٸرٸ. تەلٸپتەر كەزٸندە شەتەل كٶمەگٸ توقتاپ قالۋى مٷمكٸن.
"تەلٸپتەر قىتايدان, پەكٸستاننان نەمەسە وسى ٶڭٸردەگٸ باسقا دا ەلدەردەن اقشا سۇراۋى مٷمكٸن. جاعداي قيىن", – دەدٸ احمادي.
تامىزدىڭ 15-ٸنە "تاليبان" قوزعالىسى كابۋلدى سوعىسسىز العان سوڭ, اۋعانستان بيلٸگٸن يەلەنگەنٸن مەلٸمدەگەن. تەلٸپتەر قۋعىن-سٷرگٸنگە سالا ما دەپ قاۋٸپتەنگەن اۋعان ازاماتتارى شەتەلگە كەتۋ ٷشٸن كابۋل ەۋەجايىنا جاپپاي ۇمتىلىپ, دٷربەلەڭ تۋعان. "تاليبان" قوزعالىسى قارسىلاستارىنا راقىمشىلىق جاساۋعا, ەشكٸمدٸ قۋدالاماۋعا ۋەدە بەرگەن. الايدا اۋعانستاننىڭ كەي تٷكپٸرلەرٸندە بۇرىنعى ٷكٸمەتكە جۇمىس ٸستەگەن ادامداردى جازالاپ جاتقانى جايلى تٷرلٸ حابار تاراعان.
