قر پارلامەنت مەجٸلٸسٸنٸڭ جالپى وتىرىسىندا اۋدان ورتالىقتارى مەن اۋىلداردا كٶپبالالى وتباسىلارعا باسپانا سالۋ مەسەلەسٸ كٶتەرٸلدٸ, دەپ حابارلايدى قازاقپارات تٸلشٸسٸ.
«بٷگٸندە باسپانا نەگٸزٸنەن وبلىس ورتالىقتارىندا جەنە ٸرٸ قالالاردا سالىنۋدا. ال اۋدان ورتالىقتارىندا, ونىڭ ٸشٸندە اۋداندىق ماڭىزداعى قالالاردا جاڭا ٷيلەردٸڭ قۇرىلىسى جوقتىڭ قاسى. ٶكٸلەتتٸ ورگانداردىڭ مەلٸمەتٸنشە, باسپاناعا مۇقتاج 31725 كٶپبالالى وتباسىنىڭ اراسىندا 9461-ٸ نەمەسە 30 پايىزى اۋدان ورتالىقتارىندا نەمەسە اۋىلدى جەرلەردە تۇرادى. وسى ورايدا بۇل مەسەلە قالاي شەشٸلەدٸ?», - دەپ سۇرادى دەپۋتات قۇرالاي قاراكەن.
ٶز كەزەگٸندە قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ قايىربەك ٶسكەنباەۆ 2019 جىلدىڭ بيۋدجەتٸندە قاراستىرىلعان 50 ملرد تەڭگەنٸڭ 27,5 ملرد تەڭگەسٸ جاڭا تۇرعىن ٷيدٸ سالۋعا قاراستىرىلعانىن جەتكٸزدٸ.
«22,5 ملرد تەڭگە باسپانا الۋعا باعىتتالادى, ونىڭ ٸشٸندە كٶپبالالى انالار تۇرىپ جاتقان اۋدان ورتالىقتارى مەن اۋىلدار قامتىلعان. بٸز ەكٸمدٸكتەرگە قۇرىلىسقا جەنە باسپانانى ساتىپ الۋعا قارجىنى بٶلەمٸز. ولار كونكۋرس جارييالاپ, كەزەكتە تۇرعاندار ٷشٸن قاجەتتٸ پەتەرلەردٸ الادى», - دەپ تٷسٸندٸردٸ ق. ٶسكەنباەۆ.
وسى تۇرعىدا پارلامەنت مەجٸلٸسٸنٸڭ تٶراعاسى نۇرلان نىعماتۋلين اۋىلدى جەرلەردە ساتىپ الۋعا بولاتىن ٷيلەردٸڭ جوق ەكەنٸن اتاپ ٶتتٸ.
«قايىربەك ايتبايۇلى, اۋىلدارعا بارىپ جٷرسٸز عوي. قازٸر اۋىلدا قايبٸر دايىن ٷي بار? اۋىلدا تۇرعىن ٷي سالۋعا دايىن قۇرىلىس كومپانييالارى بار ما? ول جەرلەردە دايىن باسپانا جوق. اتالىپ ٶتكەندەي, باسپاناعا مۇقتاج كٶپبالالى وتباسىلاردىڭ 30 پايىزى اۋىلدىق اۋماقتاردا تۇرىپ جاتىر», - دەدٸ مەجٸلٸس تٶراعاسى.
بۇل رەتتە قايىربەك ٶسكەنباەۆ اۋدان ورتالىقتارىندا از قاباتتى ٷيلەر سالىناتىنىن ايتتى.
«اۋدان ورتالىقتارىندا كٶپقاباتتى زەۋلٸم ٷيلەردٸ سالمايمىز. بٸز 4-5 ايدا سالىناتىن از قاباتتى تۇرعىن ٷيلەردٸ تۇرعىزامىز. سوندىقتان دا بيىل جەرگٸلٸكتٸ اتقارۋشى ورگانداردا وسىنداي ٷيلەردٸ سالۋعا ۋاقىت جەتكٸلٸكتٸ بولادى. تيپتٸك جوبالاردى دايىندادىق, ولاردىڭ بارلىعى ساراپتامادان ٶتتٸ», - دەدٸ ۆيتسە-مينيستر.
بۇدان بۇرىن حابارلانعانداي, جالپى وتىرىستا پالاتا دەپۋتاتتارى «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە تۇرعىن ٷي قاتىناستارى مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسىن ماقۇلدادى.
ونىڭ اياسىندا «التىن القا», «كٷمٸس القا» العاندار نەمەسە بۇرىن «باتىر انا», سونداي-اق بٸرٸنشٸ جەنە ەكٸنشٸ دەرەجەلٸ «انا داڭقى» اتاعىن العان كٶپبالالى انالار مەن كٶپبالالى وتباسىلار ساناتى ٷشٸن تۇرعىن ٷي الۋعا جەكە كەزەك ەنگٸزۋ قاراستىرىلعان.
