اتىراۋدا دەرٸگەرلەر مۇزداتقىشقا سالىپ ٶلتٸرگەن سەبيدٸڭ ەجەسٸ التىنعانىم ٸليياسوۆا كٸنەلٸلەردٸ تولىق جازالاۋدى تالاپ ەتتٸ.
ونىڭ سٶزٸنشە, تولعاعى ەرتە كەلگەنٸن بٸلە تۇرا, دەرٸگەرلەر كەلٸنٸنە قاراماعان, دەپ حابارلادى كتك.
"ٶكٸنٸشتٸسٸ, سول جەردەن نەگە بوساناتىن زالعا اپارماعان?! كەلٸنٸم پاتولوگييا بٶلٸمٸندە تٶسەكتٸڭ ٷستٸندە جەڭٸلدەپ قالعان. سول جەردەگٸ اكۋشەركا ما, سانيتاركا ما, كٸم الىپ كەتكەنٸن بٸلمەيمٸن, بالانى الىپ كەتٸپ قالعان", - دەيدٸ التىنعانىم ٸليياسوۆا.
جەتٸ قىزدان كەيٸنگٸ جالعىز ۇلىنىڭ كەلٸنشەگٸ جٷكتٸ ەكەنٸن ەستٸگەندە, ەنەسٸنٸڭ قۋانىشى قوينىنا سىيماپتى. كەلٸنٸ نۇرجامال ۋاقتىلى دەرٸگەر قابىلداۋىنا بارىپ, كٷتٸممەن جٷرگەن. جٷكتٸلٸگٸنٸڭ التىنشى ايىندا ٶزٸن كەنەتتەن جايسىز سەزٸنٸپ جەدەل جەردەم شاقىرادى.
وسىلايشا وبلىستىق پەريناتالدىق ورتالىققا تٷسكەن كەلٸنشەك پاتولوگييا بٶلٸمٸنە جەتكٸزٸلەدٸ. اق حالاتتىلار العاشقى كٶمەك كٶرسەتكەننەن كەيٸن كەلٸنشەكتٸڭ تولعاعى جەتكەنٸن ايتىپتى. بٸراق كەلٸنشەك بوسانۋ بٶلٸمٸنە اپارىلماي, پوتولوگييادا تۋىپ قالعان.
كٷنٸنەن بۇرىن دٷنيەگە كەلٸپ, قاتٸگەزدٸكتەن كٶز جۇمعان بالانىڭ سالماعى - 810 گرامم. العاشىندا ٶزدەرٸن "كٶرەر جارىعى بولماسا كەرەك" دەپ جۇباتقانىمەن, مۇنىڭ بەرٸ دەرٸگەرلەردٸڭ ٸسٸ ەكەنٸن ەستٸگەندە ابدىراپ قالدىق دەيدٸ. جٷرەكتەرٸ قان جىلاعان وتباسى شاقالاقتىڭ مەيٸتٸن الىپ ارۋلاپ جەرلەگەن. ەندٸ انتىنا ادال بولماعانداردىڭ جازاسىن تارتتىرماقشى.
