اتىراۋدا جەكە ٷيدەگٸ جارىلىستان كەيٸن اۋرۋحاناعا تٷسكەن ٷش ناۋقاستىڭ ەكەۋٸ كٶز جۇمدى, دەپ حابارلايدى قازاقپارات.
بۇعان دەيٸن اتىراۋدا جەكە ٷيدە جىلۋ قازاندىعى جارىلعانىن جازعان ەدٸك.
جارىلىس 10 قاراشادا تٷنگٸ ساعات 1:24-تە اتىراۋ قالاسىنىڭ بالاۋسا شاعىن اۋدانىنداعى جەكە ٷيدە بولعان.
تٶتەنشە جاعداي دەپارتامەنتٸ باسپاسٶز قىزمەتٸنٸڭ مەلٸمەتٸنشە, جارىلىس سالدارىنان جالپى كٶلەمٸ 120 شارشى مەتر بولاتىن تۇرعىن ٷي وتقا وراندى. تۇرعىن ٷيدٸڭ تٶبە جابىندىسى مەن بٶلمەلەرٸ تولىقتاي ٶرتەنٸپ كەتتٸ. ٶرت ساعات 2:15-تە وقشاۋلانىپ, ساعات 2:40-تا ٶشٸرٸلگەن ەدٸ.
كەيٸن وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸ اۋرۋحاناعا تٷسكەن ٷش ادامنىڭ جاعدايى اۋىر ەكەنٸن حابارلادى.
ناۋقاستىڭ ەكەۋٸ – 19 جاستاعى ەكٸ جٸگٸت جانساقتاۋ بٶلٸمشەسٸنە تٷسكەن. ال, ٷشٸنشٸسٸ – 22 جاستاعى بويجەتكەن.
جانساقتاۋ بٶلٸمشەسٸندەگٸ ناۋقاستىڭ بٸرٸنٸڭ دەنەسٸن 90%, ەكٸنشٸسٸندە 85-90% كٷيٸك شالعان. ەكەۋٸنٸڭ دە جاعدايى ٶتە اۋىر. ناۋقاستىڭ ەكەۋٸ دە جاساندى تىنىس الۋ اپپاراتىنا قوسىلعان. ال, 1999 جىلعى بويجەتكەن 25-30% كٷيٸكپەن نەيروتراۆماتولگييا بٶلٸمشەسٸنە تٷستٸ. ونىڭ دا جاعدايى اۋىر.
«وبلىستىق اۋرۋحانانىڭ جانساقتاۋ بٶلٸمٸنٸڭ دەرٸگەرلەرٸ II جەنە III دەرەجەلٸ كٷيٸكپەن تٷسكەن 19 جاستاعى ەكٸ جٸگٸتكە مەديتسينالىق ەم-دوم شارالارىن جٷرگٸزدٸ. الايدا, كەشە, 14 قاراشادا دەنەسٸنٸڭ 85-90%-ىن كٷيٸك شالعان 2002 جىلعى جٸگٸتتٸڭ بٸرٸ قايتىس بولدى. ال, بٷگٸن, 15 قاراشادا 90-95% كٷيٸك العان ەكٸنشٸ ناۋقاس – 19 جاستاعى جٸگٸت كٶز جۇمدى» -دەپ مەلٸم ەتتٸ باسقارمانىڭ باسپاسٶز قىزمەتٸنەن.
