اتىراۋ وبلىسىندا تٶرت ادامنىڭ ٶلٸمٸنە قاتىستى قوعامدا ٷلكەن رەزونانس تۋدىرعان قىلمىستىق ٸس سوتتاعى شەشۋشٸ كەزەڭگە جەتتٸ. مەملەكەتتٸك ايىپتاۋشى ايىپتالۋشى سۇلتان سەرسەمەليەۆكە ٶمٸر بويىنا باس بوستاندىعىنان ايىرۋ جازاسىن تاعايىنداۋدى سۇرادى, دەپ حابارلايدى ult.kz.
تەرگەۋ نۇسقاسىنا سەيكەس, سەرسەمەليەۆ بۇرىنعى جۇبايىنىڭ اتا-اناسىن, اعاسى مەن ەپكەسٸن ٶلتٸردٸ دەپ ايىپتالىپ وتىر. سونداي-اق وعان قىلمىستان كەيٸن مارقۇمداردىڭ مٷلكٸن يەمدەنۋگە, بانك شوتتارى مەن ۇيالى تەلەفوندارىن پايدالانۋعا جەنە قىلمىستىڭ ٸزٸن جاسىرۋعا ەرەكەت جاسادى دەگەن ايىپتار تاعىلعان.
سوت تالقىلاۋى بارىسىندا ايىپتاۋ كٶلەمٸ كەڭەيتٸلٸپ, كٸسٸ ٶلتٸرۋدەن بٶلەك, ٸرٸ كٶلەمدەگٸ ۇرلىق, الاياقتىق, مال ۇرلىعى جەنە قۇجاتتاردى زاڭسىز يەمدەنۋ باپتارى دا ەنگٸزٸلدٸ.
ايىپتالۋشى كەيبٸر ەپيزودتار بويىنشا كٸنەسٸن ٸشٸنارا مويىنداعانىمەن, تٶرتٸنشٸ ادامنىڭ ٶلٸمٸ ٶزٸن-ٶزٸ قورعاۋ كەزٸندە بولعانىن ايتىپ, بۇل ايىپپەن كەلٸسپەيتٸنٸن مەلٸمدەدٸ.
پروكۋروردىڭ پٸكٸرٸنشە, بۇل ٸس بويىنشا ەڭ قاتاڭ جازانى سۇراۋعا بٸرنەشە اۋىرلاتاتىن مەن-جاي نەگٸز بولعان. اتاپ ايتقاندا, تٶرت ادامنىڭ قازا تابۋى, قىلمىستىڭ ەرەكشە قاتىگەزدٸكپەن جەنە پايداكٷنەمدٸك نيەتپەن جاسالدى دەگەن ايىپ, سونداي-اق بٸرنەشە اۋىر قىلمىستىڭ بٸر ٸس اياسىندا قارالۋى ەسكەرٸلگەن.
جەبٸرلەنۋشٸ تاراپ سوتتان ماتەريالدىق جەنە مورالدىق شىعىن رەتٸندە 70 ميلليون تەڭگە ٶندٸرۋدٸ سۇرادى. سونىمەن قاتار مەملەكەتتٸك ايىپتاۋشى جەبٸرلەنۋشٸلەرگە ٶتەماقى قورىنا تٶلەم ٶندٸرٸپ الۋدى جەنە سوت شىعىندارىن ٶتەۋدٸ تالاپ ەتتٸ.
قازٸرگٸ ۋاقىتتا سوت جارىسسٶزٸ اياقتالۋعا جاقىن. كەلەسٸ كەزەڭدە ايىپتالۋشى سوڭعى سٶزٸن ايتىپ, ودان كەيٸن سوت ٷكٸم شىعارۋ ٷشٸن كەڭەسۋ بٶلمەسٸنە كەتەدٸ.
ايتا كەتۋ كەرەك, پروكۋروردىڭ ٶمٸر بويىنا باس بوستاندىعىنان ايىرۋ تۋرالى ٶتٸنٸشٸ تٷپكٸلٸكتٸ سوت شەشٸمٸ بولىپ سانالمايدى. قازاقستان زاڭناماسىنا سەيكەس ادامنىڭ كٸنەسٸ تەك زاڭدى كٷشٸنە ەنگەن سوت ٷكٸمٸمەن عانا انىقتالادى.
ەسكە سالساق, بۇل ٸس اتىراۋ وبلىسىنىڭ جانگەلدين اۋىلىندا قاراباليندەر وتباسىنىڭ تٶرت مٷشەسٸنٸڭ ٶلٸمٸنە بايلانىستى قوزعالعان. تەرگەۋ بارىسىندا نەگٸزگٸ كٷدٸكتٸ سۇلتان سەرسەمەليەۆكە تاعىلعان ايىپتاردىڭ كٶلەمٸ بٸرنەشە رەت تولىقتىرىلعان.
