اتىراۋ وبلىسىندا پەرزەنتحانا قىزمەتكەرٸ سەبيدٸ ساتپاق بولعانى ٷشٸن سوتتالدى, - دەپ حابارلايدى kaz.tengrinews.kz تٸلشٸسٸ وبلىستىق سوتتىڭ باسپاسٶز قىزمەتٸنە سٸلتەمە جاساپ.
اتىراۋ وبلىسىنداعى پەريناتالدىق ورتالىقتىڭ قىزمەتكەرٸ پايداكٷنەمدٸلٸك ماقساتتا بيولوگييالىق اتا-انالارى باس تارتقان جاڭا تۋعان سەبيدٸ ساتپاق بولعان. ول ساتىپ الۋشىلارمەن سەبيدٸ ساتۋ ٷشٸن قويىلعان شارتتاردى ايتۋ ماقساتىندا كەزدەسۋ بەلگٸلەپ قويعان.
مەديتسينالىق قىزمەتكەر ساتىپ الۋشىلاردان بەس مىڭ دوللار سۇراعان. الدىن الا تٶلەم رەتٸندە اقشانىڭ جارتىسىن العان. "2016 جىلدىڭ 19 ماۋسىمىندا شامامەن ساعات 13.21-دە سوتتالۋشى ەيەل قالعان 2 500 دوللار اقشانى الىپ, سەبيدٸ سولاي ساتىپ جٸبەرگەن. سودان پوليتسييا قىزمەتكەرلەرٸنٸڭ تٸنتۋ جۇمىستارى بارىسىندا ساتىپ الۋشىلاردىڭ بەرگەن 2 500 دوللار كٶلەمٸندەگٸ اقشا تەركٸلەندٸ", - دەپ حابارلادى اتىراۋ وبلىستىق سوتىنداعىلار.
سوتتىڭ ٷكٸمٸمەن پەريناتالدىق ورتالىقتىڭ قىزمەتكەرٸ قر قىلمىستىق كودەكسٸنٸڭ 135-بابى بويىنشا ("كەمەلەتكە تولماعاندار ساۋداسى") ايىپتى دەپ تانىلدى. سوتتالۋشى ەيەلدٸڭ مٷلكٸ تەركٸلەنٸپ, بەس جىلعا باس بوستاندىعىنان ايىرىلدى. ول جازاسىن جالپى رەجيمدەگٸ تٷزەتۋ كولونيياسىندا ٶتەيتٸن بولادى.
