اتىراۋدا تٷرمەگە تەلەفون لاقتىرعاندار قاماۋعا الىندى, دەپ حابارلايدى "ۇلت اقپارات".
اتىراۋ وبلىسى بويىنشا قىلمىستىق-اتقارۋ جٷيەسٸ دەپارتامەنتٸ باسپاسٶز قىزمەتٸنٸڭ مەلٸمەتٸنشە, ۋگ-157/9 (ەرلەر تٷزەۋ كولونيياسى) مەكەمەسٸنٸڭ قورشاۋىنان تىيىم سالىنعان زاتتاردى لاقتىرماق بولعان ەكٸ ەر ادام ۇستالعان.
«ولار اتىراۋعا ماڭعىستاۋ وبلىسىنان ارنايى كەلگەن. تەكسەرۋ كەزٸندە ولاردان ۇيالى تەلەفوندار, ينتەرنەت مودەم, قۇلاققاپتار مەن قۋاتتاندىرعىش تابىلدى. 25 جاستاعى ەكٸ ازاماتتىڭ بۇرىن سوتتالعانى بەلگٸلٸ بولدى» دەپ حابارلادى دەپارتامەنتتٸڭ باسپاسٶز قىزمەتٸنەن.
ۇستالعان ازاماتتار بۇعان دەيٸن دە وسىنداي قۇقىق بۇزۋشىلىق جاساعان. سول كەزدە سوت ولارعا ەسكەرتۋ بەرگەن. ال, بۇل جولى سوت شەشٸمٸمەن ەكەۋٸ دە 20 تەۋلٸككە ەكٸمشٸلٸك قاماۋعا الىندى.
«ۋگ-157/9 مەكەمەسٸنٸڭ اۋماعىندا «سەرگەك» بەينەباقىلاۋ جٷيەسٸ ورناتىلدى. تٷرمەنٸڭ ماڭىنا پوليتسييا قىزمەتكەرلەرٸ ٷنەمٸ باقىلاۋ جٷرگٸزەدٸ. ال, تىيىم سالىنعان زاتتاردى ٶتكٸزۋگە ۇمتىلۋ سەكٸلدٸ قۇقىق بۇزۋشىلار قاتاڭ جازالاناتىن بولادى», - دەيدٸ دەپارتامەنت باستىعى ماناربەك عابدۋللين.
