اتىراۋ قالاسىندا ٶڭٸردٸڭ ەڭ ەگدە تۇرعىنى 101 جاستاعى بالزيبا مەجيتوۆا داۋىس بەردٸ. كەيۋانا ۋچاسكەگە تۋىستارىمەن بٸرگە كەلگەن, دەپ حابارلايدى "ۇلت اقپارات".
«ەل پرەزيدەنتٸنٸڭ سايلاۋىنا بٸرٸنشٸ رەت قاتىسىپ تۇرعان جوقپىن. جاسىما قاراماستان سايلاۋ ۋچاسكەسٸنە ٶزٸم كەلدٸم. قازاقستاندا ۇزاق ٶمٸر سٷرەتٸن ادامدار جىل ساناپ كٶبەيە بەرسٸن, ەلٸمٸز دامىپ, ٶركەندەي بەرسٸن دەگەن تٸلەكتەمٸن», - دەدٸ بالزيبا ەجە.
اتىراۋ وبلىسىندا داۋىس بەرەتٸندەر تٸزٸمٸندە 409 679 سايلاۋشى بار. سايلاۋ كوميسسييالارىنىڭ جالپى سانى - 271, ونىڭ 262-سٸ ۋچاسكەلٸك, 9 اۋماقتىق (وبلىستىق, قالالىق جەنە 7 اۋداندىق). داۋىس بەرۋ 262 ۋچاسكەدە جٷرٸپ جاتىر. 12 سايلاۋ ۋچاسكەسٸنە كٸرۋ شەكتەلگەن, ونىڭ 9-ى ەمدەۋ مەكەمەلەرٸندە, ەكەۋٸ ەسكەري بٶلٸمشەدە, بٸرەۋٸ تەرگەۋ يزولياتورىندا.
