اتىراۋدا پوليتسەيلەر سۋعا باتقان ادامدى قۇتقارىپ الدى, دەپ حابارلايدى "ۇلت اقپارات".
«جايىق ٶزەنٸنٸڭ جاعاسىن تەكسەرگەن پوليتسييا پاترۋل ەكيپاجى ەر ادامنىڭ كٶمەككە شاقىرعان داۋسىن ەستٸدٸ. تٷن ورتاسىندا ماس كٷيدە سۋعا تٷسكەن ەر ادام ٶزەننٸڭ ورتاسىنا دەيٸن جٷزٸپ بارىپ, جاعاعا جەتە الماي قالعان. ٸستٸڭ ناسىرعا شابا باستاعانىن تٷسٸنسە كەرەك, ايعايلاپ كٶمەككە شاقىرادى», - دەيدٸ پوليتسييا دەپارتامەنتٸنٸڭ ٶكٸلدەرٸ.
ونىڭ باعىنا قاراي پوليتسەيلەر سول ماڭعا جەتٸپ قالعان.
«مەن دامبا اۋىلىندا تۋىپ-ٶسكەنمٸن, جاقسى جٷزە الامىن. بٸراق نۇسقاۋ بويىنشا بٸز قۇتقارۋشىلارعا حابار بەرۋگە تيٸسپٸز, مەن دە سٶيتتٸم. كەيٸن قاسىمداعى سەرٸگٸم سەرجانت جامبىل تۇرىمبەتوۆتەن ماشينادان قۇتقارۋ توپتاماسىن ەكەلۋدٸ سۇرادىم. ۋاقىت وزدىرماي سۋعا كٷمپ بەرٸپ, ەر ادامنىڭ جاعاعا شىعۋىنا كٶمەكتەستٸم», - دەيدٸ قاتارداعى پوليتسەي ورىنتاي حۋرەسوۆ.
تەكسەرٸس كەزٸندە سۋعا باتا جازداعان ەر ادامنىڭ ماس بولعانى انىقتالدى. پوليتسييا باسقارماسىندا 32 جاستاعى ەر ادامعا ەكٸمشٸلٸك قۇقىق بۇزۋشىلىق تۋرالى كودەكستٸڭ 440-بابى بويىنشا حاتتاما تولتىرىلدى.
ايتا كەتەيٸك, اتىراۋ وبلىسىندا جىل باسىنان بەرٸ سۋعا كەتكەن 12 ادامنىڭ ٷشەۋٸ ماس بولعان.
