اتىراۋ وبلىستىق جۇمىسپەن قامتۋدى ٷيلەستٸرۋ جەنە ەلەۋمەتتٸك باعدارلامالار باسقارماسىنىڭ باسشىسى سەرٸك قاميدوللا ٶمٸر بويى مەملەكەتتٸك قىزمەتتە جەنە كۆازيمەملەكەتتٸك سەكتوردا لاۋازىمداردى اتقارۋ قۇقىعىنان ايىرىلىپ, 2 ملن 917 مىڭ تەڭگە ايىپپۇل تٶلەيتٸن بولدى, دەپ حابارلايدى "ۇلت اقپارات".
وبلىستىق سوتتىڭ باسپاسٶز قىزمەتٸنٸڭ مەلٸمەتٸنشە, شەنەۋنٸككە قاتىستى ٸس №2 اتىراۋ قالالىق سوتىندا قارالعان.
«15 سەۋٸردە سوت قر قىلمىستىق كودەكستٸڭ 361-بابىنىڭ 1-بٶلٸگٸ بويىنشا سەرٸك قاميدوللاعا قاتىستى قىلمىستىق ٸستٸ قارادى. تەرگەۋ بارىسىندا ول ايىپتاۋمەن تولىق كەلٸستٸ. سوندىقتان سوت پروتسەسٸ جەڭٸلدەتٸلگەن رەجيمدە ٶتتٸ. سوتتالۋشى قر قىلمىستىق كودەكستٸڭ 65-بابىن قولدانا وتىرىپ, ونى قىلمىستىق جاۋاپكەرشٸلٸكتەن بوساتۋدى سۇرادى. ونىڭ العاش رەت اۋىر ەمەس سىبايلاس جەمقورلىق قىلمىس جاساعانىن ەسكەرە وتىرىپ, سونىمەن قاتار, ٷش كەمەلەتكە تولماعان بالاسى, ونىڭ ٸشٸندە مٷگەدەك بالاسى بار, جالعىز اسىراۋشىسى بولىپ تابىلاتىنى جەنە ٸسٸنە شىن ٶكٸنۋٸنە بايلانىستى سوت ونى قر قىلمىستىق كودەكسٸنٸڭ 65-بابىنا سەيكەس قىلمىستىق جاۋاپتىلىقتان بوساتۋعا بولادى دەپ سانادى. بۇل رەتتە ٶمٸر بويى مەملەكەتتٸك قىزمەتتە جەنە كۆازيمەملەكەتتٸك سەكتوردا لاۋازىمداردى اتقارۋ قۇقىعىنان ايىرا وتىرىپ, 1000 اەك (2 ملن 917 مىڭ تەڭگە) مٶلشەرٸندە ايىپپۇل سالىندى» - دەپ حابارلادى وبلىستىق سوتتىڭ باسپاسٶز قىزمەتٸنەن.
