سۋرەت: YK.news.kz
اتىراۋدا قىزدىڭ قايتىس بولۋ دەرەگٸ بويىنشا باسسەين قىزمەتكەرلەرٸنەن جاۋاپ الۋ جالعاسۋدا. دەرەككٶزدٸڭ ايتۋىنشا, جاتتىقتىرۋشى ٸس بويىنشا كٷدٸككە ٸلٸنۋٸ مٷمكٸن, دەپ حابارلايدى "ۇلت اقپارات" Orda.kz باسىلىمىنا سٸلتەمە جاساپ.
"باسسەيننٸڭ بارلىق قىزمەتكەرٸنەن جاۋاپ الىنىپ جاتىر. قايعىلى وقيعا كەزٸندە كەشەندە نۇسقاۋشى مەن جاتتىقتىرۋشى بولعان. نۇسقاۋشى كەلۋشٸلەردٸڭ قاۋٸپسٸزدٸگٸنە جاۋاپ بەرەدٸ. سوندىقتان ول كٷدٸككە ٸلٸندٸ", - دەدٸ Orda.kz رەداكتسييا دەرەككٶزٸ.
بۇل رەتتە ورتالىق باسسەين ديرەكتسيياسى سۋعا باتقان قىز تۋىس ەپكەسٸمەن باسسەينگە كەلٸپ, 16:00-دەن 17:00-گە دەيٸنگٸ بٸر رەتتٸك سەسسيياعا بيلەت ساتىپ العانىن حابارلادى.
"تەرەڭدٸگٸ بٸر مەتر بالالارعا ارنالعان باسسەيننٸڭ بولعانىنا قاراماستان, بالا نەگە ەكەنٸ باسسەيننٸڭ تەرەڭدٸگٸ 2.5 مەتر بولاتىن ەرەسەكتەرگە ارنالعان بٶلٸمٸنە كٸرگەن", - دەپ حابارلادى "مۇنايشى" ورتالىق جٷزۋ باسسەينٸنٸڭ ەكٸمشٸلٸگٸ.
