ماحامبەت دوسمۇحامبەتوۆ ٶڭٸردٸڭ ەكولوگييالىق احۋالى تالقىلانعان كەڭەستە مۇناي-گاز كومپانييالارىن قورشاعان ورتانى لاستاۋدى دوعارۋعا شاقىردى, دەپ حابارلايدى "ۇلت اقپارات".
«اتىراۋ – مۇناي-گاز سالاسى قارقىندى دامىعان ايماق. الايدا, قورشاعان ورتانى قورعاۋ ٶزەكتٸ مەسەلەگە اينالىپ وتىر. ەسٸرەسە, مۇناي-گاز سالاسىنداعى ٸرٸ ٶندٸرٸستٸك كەسٸپورىنداردىڭ اتموسفەرالىق اۋاعا لاس شىعارىندىلارىن ازايتۋ, كٷكٸرت, تاعى دا باسقا مۇناي قالدىقتارى يٸسٸنٸڭ تارالۋىن بولدىرماۋ شارالارىن الۋ, تۇرعىندارعا قولايلى جاعداي تۋعىزۋ – بٷگٸنگٸ كٷننٸڭ باستى مٸندەتتەرٸنٸڭ بٸرٸ», - دەدٸ وبلىس ەكٸمٸ ماحامبەت دوسمۇحامبەتوۆ.
وبلىستىق ەكولوگييا دەپارتامەنتٸنٸڭ باسشىسى ەلٸبەك بەكمۇحامبەتوۆتٸڭ مەلٸمەتٸنشە, بيىل اتىراۋ قالاسىنىڭ اتموسفەرالىق اۋا ساپاسىنان 56 سىناما الىنىپ, 331 تەكسەرۋ جٷرگٸزٸلگەن. بىلتىرعى 9 ايدا قورشاعان ورتاعا 164, 90 مىڭ توننا قالدىق تاستالسا, بيىلعى كٶرسەتكٸش 115,60 مىڭ توننانى قۇراعان.
«بيىلعى 1 قاراشادا جٷرگٸزٸلگەن مونيتورينگ كەزٸندە «امٶز» جشس قۇبىرىنان «ساسىق ساي» بۋلانۋ الاڭىنا تاسىمالدايتىن كانالعا مۇناي ٶنٸمدەرٸ ارالاسقان سۋلاردىڭ تٶگٸلگەنٸ انىقتالدى. اتالعان دەرەك «امٶز» جشس-نٸڭ بيولوگييالىق تازارتۋ قوندىرعىسىنداعى اقاۋلارعا بايلانىستى سارقىندى سۋدىڭ قۇرامىنداعى مۇناي ٶنٸمدەرٸ مەن باسقا دا لاستاۋشى زاتتاردان دۇرىس تازالانباۋى سالدارىنان ورىن العان», - دەدٸ ەلٸبەك بەكمۇحامبەتوۆ.
ماحامبەت دوسمۇحامبەتوۆ «امٶز» جشس باسشىلىعىنا «ساسىق ساي» بۋلانۋ الاڭىنىڭ زاۋىتقا قاتىستى بٶلٸگٸن قالپىنا كەلتٸرۋگە جەدەل كٸرٸسۋدٸ تاپسىردى.
«اتىراۋدا اۋاعا جاعىمسىز كٷكٸرت يٸسٸنٸڭ تارالۋىنىڭ نەگٸزگٸ سەبەبٸنٸڭ بٸرٸ مۇناي ٶڭدەۋ زاۋىتىنىڭ كەرٸزدٸك سۋ تازارتۋ قوندىرعىلارىنىڭ قالىپتى جۇمىس ٸستەمەۋٸنەن ەكەنٸ ەشكٸمگە جاسىرىن ەمەس. كەرٸزدٸك سۋلار قۇرامىندا جوعارى دەرەجەدە مۇناي قالدىقتارىنىڭ بولۋى قۇزىرلى ورگاندار تاراپىنان ەلدەنەشە رەت انىقتالعان. بۇل جەردە ايىپپۇل تٶلەپ قۇتىلۋ جەتكٸلٸكسٸز, حالىقتىڭ دەنساۋلىعىن ايىپپۇلمەن تٷزەي المايسىز», - دەپ قاتاڭ ەسكەرتۋ جاسادى ٶڭٸر باسشىسى.
